«Qazaqstan Prezıdenti Qasym-Jomart Toqaev túrki tildes memleketter arasyndaǵy yntymaqtastyqqa zor mańyz berip otyr. Túrki álemi HHI ǵasyrdaǵy erekshe ekonomıkalyq aımaqtardyń birine aınalyp keledi. Qazaqstan Túrkitildes memleketterdiń Parlamenttik assambleıasy qurylýynyń bastaýynda tur. Qazirgi kezde túrkiaralyq dıalogte Qazaq eliniń orny eleýli jáne kóp tarapty kún tártibin júzege asyrýǵa zor úles qosyp keledi», dep atap ótti tóraǵanyń orynbasary.
Qor prezıdenti Qazaqstandaǵy saıası júıeni transformasııalaýǵa jáne azamattardyń ál-aýqatyn arttyrýǵa baǵyttalǵan strategııalyq reformalardy joǵary baǵalap, Qazaqstan túrki álemin nyǵaıtýdaǵy mańyzdy áriptesterdiń biri ekenin atap ótti. Qordyń basshylyǵy atynan nátıjeli yntymaqtastyǵy úshin alǵys aıtty.
Gúnaı Efendıeva Qazaqstan men túrki áleminiń kórnekti tulǵasy, dana aqyn Abaı Qunanbaıulynyń 175 jyldyǵyna oraı halyqaralyq aýdıtorııaǵa arnap Qordyń qoldaýymen shyǵarylǵan poshta markasyn tanystyrdy.
