Ulttyq ekonomıka mınıstri Álibek Qýantyrovtyń aıtýynsha, qazirgi ýaqytta respýblıkada 27 monoqala bar. 1,4 mln adam turatyn qalalarda 32 qala quraýshy kásiporyn jumys isteıdi. 2015 jyldan 2021 jylǵa deıin atalǵan eldi mekenderde ónerkásip óndirisiniń kólemi 6,3-ten 11,2 trln teńgege deıin ósti, bul el boıynsha jalpy kórsetkishtiń 29%-y.
Búgingi tańda 2,1 trln teńgege 86 «zákirli» jobanyń pýly qalyptastyryldy. Bul jobalar monoqalalarda 18 myńnan astam jumys ornyn ashty. Jalpy olardy odan ári damytý úshin turǵyn úı qory men ınjenerlik ınfraqurylym obektilerine kúrdeli jóndeý júrgizýge bıýdjetten bólinetin qarajattyń jyl saıynǵy lımıtin ulǵaıtý qajet. Eldi mekenderdiń áleýmettik mańyzy bar problemalaryn sheshý boıynsha master-josparlar ázirleý qarastyrylǵan.
Sonymen qatar jańa ınvestısııalyq jobalardy iske asyrý jónindegi jumysty jandandyrý jumystary usynylady.
