SQO polıseıleri «sıntetıkanyń» asa iri mólsherdegi partııalarynyń birin kúdiktiniń aýlasynan taýyp aldy.
Kúzde jergilikti polıseıler sıntetıkalyq esirtki taratty degen kúdikpen Petropavl qalasynyń 32 jastaǵy turǵynyn ustady. Jeke tintý barysynda odan krıstall tárizdi zat salynǵan paket tárkilendi. Jaldamaly páterden taǵy eki paket pen temeki shegýge arnalǵan qurylǵy tabyldy. Polıseıler ustalǵannyń turǵylyqty jeri boıynsha jeke menshik úıdiń aýlasynan asa iri mólsherdegi esirtki salynǵan polımer paketin aldy. Saraptama qorytyndysyna sáıkes, ol – tuz degen atpen belgili α-PvP esirtki zaty. Alynǵan zattyń jalpy salmaǵy 484,32 gramm, bul asa iri mólsherge jatady. Ol 2 myńnan astam bir rettik qoldanatyn dozany quraıdy.
«Fakti QR Qylmystyq kodeksiniń 297-babynyń 3-bóligi boıynsha sotqa deıingi tergep-tekserýdiń biryńǵaı tizilimine engizildi. Is materıaldary sotqa jiberildi», dedi SQO IID Esirtki qylmysyna qarsy kúres basqarmasynyń bastyǵy Ivan Terzıdı.
Jalpy jyl basynan beri Soltústik Qazaqstan oblysynyń polıseıleri esirtki satty degen kúdikpen 82 adamdy ustady. Zańsyz aınalymnan 425 keli esirtki tárkilendi, onyń 3 keli 429 gramy sıntetıkalyq esirtki.
