Indýstrııalyq damý komıtetiniń qurylys ındýstrııasy jáne aǵash óńdeý ónerkásibi basqarmasynyń basshysy Muhamed Andakovtyń aıtýynsha, atalǵan shara qazaqstandyq óndirýshilerdi qoldap, elimizdegi ekologııalyq ahýaldy jaqsartý úshin qolǵa alynǵan. Bul shekteý 2019 jyldan bastap engizilip, ár 6 aı saıyn uzartylyp kele jatyr.
«Osy tyıym otandyq taýar óndirýshilerdi, aǵash óńdeýshilerdi jáne jıhaz ónerkásibimen aınalysatyn kásiporyndardy qoldaý men respýblıkadaǵy orman qoryn saqtaý maqsatynda engizilip otyr. Eger de orman qory Qazaqstan aýmaǵynyń shamamen 15%-yn alyp jatqanyn eskersek, onda óńdeýge tek 4-5%-y ǵana beriletinin umytpaý qajet. Bul oraıda qorshaǵan ortany qorǵap, ormandy alqapty ulǵaıtý úshin elimizden aǵash materıaldaryn áketýge tyıym salynatynyn eskertkimiz keledi. Resmı statıstıka boıynsha bıyl elimizden shet memleketterge orman aǵashtary shyǵarylǵan joq», dedi M.Andakov.
Atalǵan buıryq EAEO SEQ TN 4406910000 kodyna sáıkes «Temirjol nemese tramvaı joldaryna arnalyp, qylqan japyraqty tuqymdardan jasalǵan sińirilgen aǵash shpaldaryn» esepke almaǵanda, aǵash materıaldarynyń jekelegen túrlerin (EAEO SEQ TN kody 4401, 4403, 4404, 4406 jáne 4407) Qazaqstan aýmaǵynan áketýge tyıym salýdy kózdeıdi.
