Munda zamanǵa saı bazar ǵımaraty, azyq-túlik qoımasy jáne dalada saýda pavılondary ornalasqan. Ár senbi saıyn óńirdegi sharýashylyqtar jınalyp, jármeńke ótkizedi. Al jabyq bazardyń ózi aptanyń 6 kúninde jumys istep, tutynýshylarǵa azyq-túlik taýarlaryn jergilikti naryqtaǵydan 15-20 paıyzǵa arzanǵa satady. Saýda oryndaryn jalǵa alatyn kásipkerler sharshy metri úshin aıyna nebári 2000 teńge tóleıdi eken. Mundaı jeńildik azyq-túlik óndirý salasyndaǵy iri óndirýshiler men tanymal brendterdi qyzyqtyryp otyrǵanǵa uqsaıdy. Qazirdiń ózinde ishtegi oryndarǵa 32 kásipker jaıǵasyp úlgeripti.
«Jailau» bazarynyń ashylý kúni 8 aýdannyń sharýalary óz ónimderin tikeleı saýdalap, turǵyndardy aýyldyń berekesine qaryq qyldy. Kartop pen qyryqqabat, sábizdiń kılosy 95 teńgeden, birinshi surypty jumyrtqanyń ondyǵy - 450, súttiń lıtri 170 teńgeden bosatyldy. Jármeńkede et te arzan, sıyrdyń jumsaq eti men qoıdyń jambasy - 2000, jylqynyń qazysy 2300 teńgeden satylyp jatqanyn baıqadyq. Jarma ónimderi, kúnbaǵys maıy, taýyq jáne qaz etteri, joǵary surypty un, qurt-qaımaq, sary maıdyń túr-túri sórelerde samsap, jurt talasa-tarmasa satyp aldy.
