Alyp jerdiń mańyzdy bir bólshegi sanalatyn Tynyq muhıtynda dombyra beınesinde úlken kópir salynǵanyn osy jurttyń biri bilse, biri bilmes. Onyń qurylysyn jobalaǵan – О́rleýhan Qısauly esimdi sheteldegi qandasymyz. Onyń tabandy izdenisi aqyry úlken jetistikke jol ashty. Tynyq muhıtynyń kireberisine ornalasqan Gonkong, Makao, Djýhaı sııaqty úsh iri qalany bir-birine tutastyryp turǵan dombyra pishindi kópir bul kúnderi álem jurtshylyǵynyń tańdaıyn qaqtyrady.
Atalǵan kópir jobasy 2009 jyldyń aıaǵynda bastalǵan. Alyp kópirdi aıaqtaýǵa toǵyz jyl ýaqyt ketipti. Qurylys jol, týnnel jáne jasandy aral sııaqty úsh úlken bólikten turady. Al jol alty bólikten quralǵan. Jalpy uzyndyǵy 55 shaqyrym, onyń 38 shaqyrymy kópir bolyp tabylady. Ultymyzdyń uly aspaby beınelengen kópirdiń 7 shaqyrymy muhıt astynan ótetin týnnelderden turady.
Qazaq sáýletshisiniń qolynan shyqqan alyp nysan paıdalanýǵa berilgen soń, Gonkong pen Djýhaı qalalary arasyndaǵy úsh saǵattyq jol ýaqyty nebári jarty saǵatqa qysqarǵan. Bir ǵajaby, qurylystyń mańyzdy bóligi sanalatyn týnnelder sý astynda 48 metr tereńdikte ornalasqan. Atalǵan jobaǵa álemdegi tańdaýly qurylystardy salǵan London qalasynda ornalasqan «Arup Group» kompanııasy.
Arhıtektor О́rleýhan Qısauly Qytaıǵa qarasty Altaı aımaǵynda dúnıege kelgen. Italııa tehnıkalyq ýnıversıtetiniń magıstri. Japonııadaǵy Shyǵys ýnıversıtetinde arhıtektor mamandyǵy boıynsha doktorlyq dıssertasııa qorǵaǵan. О́zi jobalaǵan dombyra beıneli kópir paıdalanýǵa berilgen sátte ol: «Bul dombyra kópirdiń ǵumyry 120 jyl dep eseptedik, tehnıkalyq baqylaý jumystaryn arttyrý arqyly onyń shydamdylyǵyn 150 jylǵa deıin uzartýǵa bolady» degen oıyn jetkizgen.
Iá, álemniń ár shetinde óz salasynda tabys jaratyp, úlken jetistikterge jetken qazaq qandy aǵaıyn barshylyq. Úlken jobany bastarda ata-babasynyń san ǵasyrlyq syry men muńy, búkil ómiri jazylǵan qasıetti dombyranyń beınesin uly muhıtty kesip ótip, úlken shaharlardy bir-birine jalǵaǵan alyp kópirge aınaldyrý О́rleýhandaı azamattyń aldaǵy asýlary budan da bıik ekenin kórsetse kerek.
