«Kúndelikti ómirdegi órtterdiń negizgi sebepteri, eń aldymen, otpen abaısyzda jumys isteý, otpen balalardyń erkeligi, elektr jabdyqtarynyń durys jumys istemeýi, peshter men turmystyq elektr quraldaryn paıdalaný kezinde órt qaýipsizdigi erejeleriniń buzylýy, sondaı-aq sońǵy ýaqytta órteý jaǵdaılary jıilep ketti», delingen TJM baspasóz qyzmeti taratqan aqparatta.
Máselen, jylytý maýsymy bastalǵannan beri turǵyn úı sektorynda 1 700 myńnan astam órt boldy. Kómirtegi totyǵymen ýlaný saldarynan 12 adam qaza taýyp, 66 adam jaraqat aldy.
Turmystyq órtter sanynyń ósýi Abaı, Astana qalasy, Jambyl jáne Shyǵys Qazaqstan oblystarynda tirkeldi.
Turǵyn úı sektorynda órtterdiń týyndaý, adamdardyń qaza bolýy jáne jaraqattaný qaýpin azaıtý maqsatynda barlyq aýmaqtyq departamentter halyq arasynda órt qaýipsizdigi erejelerin saqtaý boıynsha úgit-profılaktıkalyq jumysty kúsheıtti.
