«Epıdemııalyq jaǵdaıdy baǵalaý matrısasyna sáıkes 12 tamyzdan bastap Qazaqstan Respýblıkasy men onyń barlyq óńirleri jasyl aımaqta. Alaıda Jetisý, Atyraý, Jambyl, Qyzylorda, Soltústik Qazaqstan oblystaryn qospaǵanda, eldiń 13 óńirinde R kórsetkishiniń birden joǵary ekeni baıqalady. Bul ınfeksııanyń taralýynyń óskenin kórsetedi. Táýligine 300-ge deıin KVI+ jáne 20-ǵa deıin KVI mınýs jaǵdaıy tirkelip otyr», dedi A. Esmaǵambetova.
Bul rette ınfeksııalyq tósek-orynnyń qamtylýy – 13 % (309 tósek-oryn), reanımasııalyq tósek-orynnyń qamtylýy – 4 % (17 tósek-oryn).
Bas sanıtarııalyq dárigerdiń aıtýynsha, shekteý sharalaryn engizýge keletin bolsaq, 1-den joǵary R kórsetkishi tirkelgen jaǵdaıda halyq kóp jınalatyn jerlerde maska taǵý usynylady.
Eldiń bas sanıtarııalyq dárigeri atap ótkendeı, KVI-ge qarsy revaksınasııa jasaý ınfeksııadan qorǵanýdyń jalǵyz tásili bolyp qala beredi.
«Alǵashqy revaksınasııany 5,7 mln adam nemese tıisti halyqtyń 70,5%-y, qaıta revaksınasııalaýdy 1,2 mln adam nemese tıisti halyqtyń 54,8%-y aldy. Táýligine orta eseppen 2600 adam alǵashqy revaksınasııany aldy, 4300 adam qaıta revaksınasııadan ótti», dedi Densaýlyq saqtaý vıse-mınıstri.
A. Esmaǵambetovanyń aqparaty boıynsha qazirgi ýaqytta Qazaqstanda halyqty vaksınasııalaý jáne revaksınasııalaý úshin vaksınalardyń 3 túri bar. Olar: Kazvak, Sinofarm jáne Pfizer. Egý pýnktterinde 98 myń doza KazVak, 306 myń doza Sinofarm jáne 71 myń Pfizer qaldyǵy bar.
Budan basqa, Bas sanıtarııalyq dáriger ótken jyldyń osyndaı kezeńimen salystyrǵanda aǵymdaǵy epıdemııalyq maýsymda elde JRVI-men syrqattanýshylyq 10%-ǵa óskenin habarlady.
Máselen, 2022 jyldyń 1 qazanynan bastap Qazaqstanda JRVI-dyń 2,2 mln jaǵdaıy jáne tumaýdyń 2 284 jaǵdaıy tirkeldi, naýqastardyń 65%-y 14 jasqa deıingi balalar.
JRVI-men aýyratyn jáne KVI-ǵa kúdikti pasıentterge medısınalyq kómek kórsetý úshin MSAK uıymdarynda 2 289 mobıldi brıgada jumys isteıtinin aıtty, onyń ishinde aýylda – 1022, rezervte – 1521.
Tynys alý aǵzalarynyń aýrýlarymen stasıonarlyq emdeýde 15 826 adam, onyń ishinde JRVI dıagnozymen – 8202 (52 %), tumaýmen – 19 adam (0,12%) bar.
Densaýlyq saqtaý vıse-mınıstri tumaýdyń klınıkalyq belgilerin eske saldy. Ol 1,5 kúnge deıin qysqa ınkýbasııalyq kezeńimen erekshelenedi. Al KVI jáne basqa JRVI kezinde ol 10 kúnge deıin sozylady. Sondaı-aq JRVI-men salystyrǵanda tumaý jiti bastalady jáne dene temperatýrasy 39°C-qa deıin kóteriledi, qaltyraý, bulshyqet pen bastyń aýyrýy, búkil deneniń syrqyraýy, keýde súıeginiń asty aýyryp, qurǵaq jótel baıqalady.
Sóz sońynda Bas sanıtarııalyq dáriger aldaǵy Jańa jyl merekesin eskere otyryp, KVI men basqa da vırýstyq ınfeksııalardy juqtyrýdan saqtaıtyn birneshe profılaktıkalyq usynymdar berdi. Olardyń birinshisi – halyq kóp jınalatyn jerlerde maskany paıdalaný, múmkindiginshe adamdar kóp jınalatyn oryndarǵa, ásirese jabyq úı-jaılarǵa, ásirese balalarmen barýdy shekteý, qoldy óńdeý úshin antıseptıkter nemese dezınfeksııalyq sýlyqtardy paıdalanýdy umytpaý, naýqas adamdarmen baılanysty shekteý.
