Aspaly jolda qalǵandar «qutqaryldy»

Josparly shara bolǵanymen, aıaq asty osy ispetti shynaıy oqıǵa oryn almasyna kim kepil?! Sondyqtan da tótenshe jaǵdaılar qyzmetkerleri qashan da kómek qolyn sozýǵa daıyn júrýge tıis.

Aldyn ala jazylǵan ssenarıı boıynsha snoýbord teýip júrgen qos týrıst tehnıkalyq aqaýǵa baılanysty bıiktiktegi arqan jolynda turyp qalǵan. Qutqarýshylarǵa qońyraý túse sala oqıǵa ornyna asyqqan. Jetken soń al­pı­nıstik jabdyqtardyń kó­me­gimen aspaly jolda turyp qalǵan demalýshylardy túsirip alyp, jyly bólmege jetkizgen. Álbette, sonaý bıikten eki azamatty túsirip alý ońaıǵa soqqan joq.

Sonymen qatar TJD qyz­met­kerleri demalýshylarǵa qys mez­gilindegi qaýipsizdik erejelerin úıretti. Ásirese qar kóshkinine tap bolmaý amaldary men úsip qal­maýdyń alǵy sharttaryn tú­sindirdi. Ásirese Shyǵystyń qy­­synda qaýipsizdik erejelerin saq­­­tamasqa bolmaıdy. Onyń ús­tine kúrdeli marshrýttarmen taý kezip, tabıǵat tamashalap júretin týrıs­ter kóp. Byltyrlary bir top demalýshylardy kóshkin basyp qalǵany esimizde.

Jalpy, Shyǵysta adam ómirine qaýip tóndiretindeı 325 qar kósh­kini oshaqtary anyqtalǵan. Árı­ne, azamattardyń qaýip­siz­digi úshin, avtojoldardy qar alyp qal­maýy úshin TJD qut­qarý­shy­lary men «Qazsel­den­qorǵaý» ShQ fılıa­lynyń mamandary bir­qatar ýchas­kelerde kóshkindi ar­naıy túsiredi. Qysqy maýsym bas­talǵaly 16 ret jasandy qar kóshkinin túsirý jumystary júr­gizilgen.

Shyǵys Qazaqstan oblysy