Prezıdent Qasym-Jomart Toqaevtyń tapsyrmasy boıynsha 2023 jyldyń 1 qańtarynan bastap balabaqsha tárbıeshileriniń, mektepter men kolledjder pedagogteriniń, sondaı-aq qosymsha bilim berý júıesi mamandarynyń jalaqysy taǵy 25%-ǵa artady.
«Búgin biz «Pedagog mártebesi týraly» zańnyń oń áserin kórip otyrmyz. 2023 jyldyń qańtarynan bastap pedagogterdiń jalaqysy taǵy 25%-ǵa ulǵaıady», dedi Oqý-aǵartý mınıstri Ashat Aımaǵambetov.
Aıta ketsek, muǵalimder alatyn jalaqyǵa qosymsha tólemder de belgilenedi. Bul biliktilik sanaty (laýazymdyq jalaqynyń 30%-dan 50%-na deıin), magıstr dárejesi, aǵylshyn tilindegi pánderdi júrgizý, dápterlerdi tekserý, synyp jetekshiligi jáne tálimgerlik úshin qosymsha tólemder.
Mınıstrdiń aıtýynsha, 2022 jyldyń ekinshi toqsanynda orta bilim berý mamandarynyń ortasha jalaqysy 343 myń teńgeni qurady.
Memleket basshysynyń tapsyrmasy boıynsha pedagogterdiń jalaqysy 2020 jylǵy qańtardan bastap jyl saıyn 25%-ǵa kóterilip keledi.
