«Jańa ákiminiń kandıdatýrasy QR Prezıdenti Ákimshiliginde kelisilip, qalalyq máslıhat depýtattarymen maquldandy», delingen oblys ákiminiń baspasóz qyzmeti taratqan habarlamada.
Asaın Baıhanov ákimdik qyzmettiń basymdyqtaryn aıqyndap, jańa ákimniń jumysyna tabys tiledi.
«Oblys ortalyǵynyń basshysy bolý - úlken jaýapkershilik. Qala turǵyndarymen tyǵyz qarym-qatynas jasaı otyryp, kommýnaldyq qyzmetter men basqa da memlekettik organdardyń jumysyn quryp, halyqtyń máselelerin jedel sheshý qajet. Pavlodar qalasyn odan ári damytý, ony abattandyrý, qala turǵyndarynyń ómirin jaqsartý - qala basshysy jumysynyń basym baǵyttaryna aınalýǵa tıis», dep atap ótti Pavlodar oblysynyń ákimi Asaın Baıhanov.
Erjan Imanzaıypov 1984 jyly týǵan, eki joǵary bilimi bar. 2006 jyly S.Toraıǵyrov atyndaǵy Pavlodar memlekettik ýnıversıtetin «О́nerkásiptik jylý energetıkasy» mamandyǵy boıynsha; 2010 jyly Almaty Ekonomıka jáne statıstıka akademııasyn «Qarjy» mamandyǵy boıynsha bitirgen.
Eńbek jolyn 2006 jyly Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bas mamany bolyp bastaǵan.
2006 jyldan 2007 jylǵa deıin QR Indýstrııa jáne saýda mınıstrligi Qurylys jáne turǵyn úı-kommýnaldyq sharýashylyq isteri komıtetiniń jetekshi mamany bolyp jumys istedi.
2007 jyldan 2011 jylǵa deıin Qazaqstan Respýblıkasy Tabıǵı monopolııalardy retteý agenttiginiń jetekshi mamany, sarapshysy bolǵan.
2011-2013 jyldary Aqmola oblysynyń Tabıǵı monopolııalardy retteý departamenti dırektorynyń orynbasary qyzmetin atqarǵan.
2013 jyldan 2014 jylǵa deıin Qazaqstan Respýblıkasy Tabıǵı monopolııalardy retteý agenttiginiń basqarma basshysy, departament dırektorynyń orynbasary bolǵan.
2014 jyldan 2016 jylǵa deıin Pavlodar qalasy ákiminiń orynbasary qyzmetin atqardy.
2016 jyldan 2017 jylǵa deıin Ekibastuz qalasy ákiminiń orynbasary boldy.
2017 jyldan 2019 jylǵa deıin Pavlodar oblysynyń energetıka jáne turǵyn úı-kommýnaldyq sharýashylyq basqarmasynyń basshysy bolyp jumys istedi.
2019 jyldan 2020 jylǵa deıin Ekibastuz qalasynyń ákimi boldy.
