Ulttyq ekonomıka mınıstri Álibek Qýantyrov saılaýaldy baǵdarlamany sapaly oryndaý úshin Jol kartasy ázirlengenin aıtty. Oǵan 117 tarmaq kirdi, ártúrli baǵyttar boıynsha jaýapty memlekettik organdar men tapsyrmalardy oryndaýdyń naqty merzimderi kórsetildi.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń aıtýynsha, Jol kartasynyń árbir tarmaǵy boıynsha monıtorıng naqty ýaqyt rejıminde ınteraktıvti onlaın-dashbord arqyly júrgizilmek. Iаǵnı, qaǵaz esepter, anyqtamalar men prezentasııalar bolmaıdy.
Sonymen qatar ornatylǵan beınekameralardyń kómegimen ınfraqurylymdyq jáne ınvestısııalyq jobalarǵa vızýaldy baqylaý júrgizý múmkindigin qarastyrý josparlanyp otyr. Bul onlaın rejımde barlyq jobalardyń oryndalý barysyn baqylaýǵa múmkindik beredi.
Premer-mınıstr respýblıkalyq shtab otyrystary turaqty negizde ótkiziletinin, al Jol kartasynyń oryndalýy týraly alǵashqy esep 2023 jylǵy 20 sáýirge deıin daıyn bolýy kerek ekenin atap ótti.
«Mınıstrlikter men ákimdikterdiń basshylary Jol kartasy boıynsha jumysty jeke baqylaýynda ustaýy tıis. Prezıdenttiń saılaýaldy baǵdarlamasy – aldaǵy jeti jylǵa arnalǵan negizgi qujat. Memleket basshysy aıtqan barlyq tapsyrmalardy tolyǵymen jáne sapaly iske asyrýǵa tıispiz», dedi Álıhan Smaıylov.
Sonymen qatar Úkimet basshysy sıfrlyq tehnologııalardy qoldaný barlyq josparlanǵan is-sharalardyń ashyq monıtorıngin jáne tıimdi oryndalýyn qamtamasyz etýge múmkindik beretinin aıtty.
«Bul ár tapsyrmany iske asyrý qaı satyda ekenin, qaı jerde jumysty jandandyrý kerektigin kórýge múmkindik beretin yńǵaıly qural bolady. Ekinshi jaǵynan, bul qaǵaz júzinde esep berýdi edáýir qysqartady, óıtkeni bári onlaın júrgizilmek», ep túıindedi Álıhan Smaıylov.
