Vedomstvonyń málimetinshe, bıyl Almatyda 12 ruqsat etilmegen úıindi anyqtalǵan. Onyń ishinde segiz saýda núktesi Medeý aýdanynda, sondaı-aq Túrksib jáne Alataý aýdandarynda ornalasqan.
«Departament úsh aýdannyń ákimderine, sondaı-aq Turǵyn úı saıasaty basqarmasy men ekologııa basqarmasyna hat joldady. Anyqtalǵan úıindilerdi joıý jóninde tıisti tapsyrmalar berildi. 30 jeltoqsandaǵy jaǵdaı boıynsha barlyǵy 12 úıindi joıyldy», delingen baspasóz habarlamasynda.
Hattardan bólek, joǵaryda atalǵan ákimdikterdiń laýazymdy tulǵalaryna aıyppuldar salyndy, olardyń arasynda Alataý aýdanynyń ákimi Azamat Qaldybekov te bar. Oǵan 300 myń teńgeden astam aıyppul salyndy.
«Ákimshilik quqyq buzýshylyq týraly kodekstiń 344-babyna sáıkes «О́ndiris jáne tutyný qaldyqtaryn esepke alý, ornalastyrý qaǵıdalaryn buzǵany úshin», sondaı-aq «О́ndiris jáne tutyný qaldyqtarymen jumys isteý qaǵıdalaryn buzǵany úshin» aıyppul salyndy.
«Alataý aýdanynyń ákimine – 306 300 teńge somasynda; Almaty qalasy Alataý aýdany ákiminiń orynbasaryna – 153 150 teńge somasynda; Túrksib aýdany ákiminiń orynbasary – 153 150 teńge somasynda; Medeý aýdandyq kommýnaldyq sharýashylyq bóliminiń basshysy – 153 150 teńge somasynda. Aıyppuldyń jalpy somasy 765 750 teńgeni qurady», dep tolyqtyrdy mınıstrlik.
