Saltanatty is-sharaǵa Qazaqstannyń Túrkııadaǵy Tótenshe jáne О́kiletti Elshisi Erkebulan Sápıev, Etımesgýt mýnısıpalıtetiniń ákimi Enver Demırel, Astana qalasy ákiminiń orynbasary Eset Baıken, Syrtqy ister mınıstriniń ókili Hasan Badjajy, Ankaradaǵy túrkitildes memleketter Elshilikteriniń ókilderi, TÚRKSOI ókilderi, «YDA» holdıng basqarma tóraǵasy Hýseın Arslan, Qazaqstan mádenıet jáne saýda ortalyǵynyń tóraǵasy Ǵanımet Qaısauly, Qazaqstan mádenıet jáne saýda ortalyǵy tóraǵasynyń orynbasary jáne Dúnıejúzi qazaqtary qaýymdastyǵynyń Túrkııadaǵy ókili Erjan Ýáıis, zııaly qaýym, qazaq dıasporasy qatysty.
Erkebulan Sápıev Qazaqstannyń Táýelsizdik kúni men Ahmet Baıtursynulynyń 150 jyldyǵyna oraı, Ahmet Baıtursynuly atyndaǵy saıabaq pen eskertkishtiń ashylýyna úles qosqan Etımesgýt mýnısıpalıtetiniń tóraǵasy Enver Demırelge jáne qyzmetkerlerine, «YDA» holdıng basqarma tóraǵasy Hýseın Arslanǵa, sondaı-aq Astana ákimdigine alǵys bildirdi.
Eske sala ketsek, bıyl IýNESKO-nyń sheshimimen Ahmet Baıtursynulynyń 150 jyldyǵy halyqaralyq deńgeıde atap ótildi.
