«Ekibastuz mańyndaǵy Shiderti kentinde 118 avtokólik turyp qalǵan, onyń ishinde 26 júk jáne 87 jeńil kólik, 5 avtobýs bar. Adamdardyń jalpy sany 225, onyń ishinde 15-i bala», dep habarlady Pavlodar oblysy Tótenshe jaǵdaılar departamentiniń baspasóz qyzmeti.
Qazir óńirde úsh jylytý pýnkti iske qosyldy: «Sarýhan», «Aqjol» qonaqúıleri jáne Shiderti kentiniń meshiti, onda 86 adam (35 adam, onyń ishinde tórt bala - «Sarýhan» qonaqúıinde, 16 adam - «Aqjol» qonaqúıinde jáne 35 adam, onyń ishinde 2 bala - kent meshitinde) ornalasqan.
Aıta ketsek, «QazAvtoJol» UK AQ qyzmetkerleri avtojoldy tórt aralas jol mashınasymen jáne bir jeńil avtomobılmen, K-700 (MTZ) tórt traktorymen qardan tazartyp jatyr.
«TJD kúshteri men quraldary (5 qyzmetker jáne 2 birlik tehnıka), jergilikti polısııa qyzmeti (7 qyzmetker jáne 4 birlik tehnıka), ákimdik qyzmetkerleri (3 adam jáne 2 Mashına) jumyldyryldy. Jergilikti atqarýshy organdar Shiderti kentiniń mektep ashanasynda ystyq tamaq uıymdastyrdy», dep tolyqtyrdy TJD.
