Qarjyny durys josparlamaýdyń álegi

Bul derekterdi Qarjy mı­nıs­tr­ligi Ishki memlekettik aýdıt­ komıtetiniń tóraǵasy Erjan Myńjasarov Túrkistan obly­sy­nyń turǵyndarymen jáne bıznes sýbektileriniń ókilderimen kezdesýde málim etti. Komıtet tóra­ǵa­sy mysal retinde keltirgen ta­ǵy bir derekke qaraǵanda, Tóle bı aýdanynyń qurylys, sáý­let jáne qala qurylysy bólimimen Sh.Ýálıhanov atyn­daǵy №16 mektepti rekonstrýksııalaý kezinde 17,7 mln teńge atqarylmaǵan jumystar úshin tólengen. Aýdıt materıaldary prosessýaldyq sheshim qabyl­daý úshin quqyq qorǵaý organdaryna jiberildi. Kezdesýde E.Myńjasarov memlekettik organdardyń qarjylyq tártibi jáne Ishki memlekettik aýdıt komı^­tetiniń róli, sondaı-aq 11 aı­daǵy qol jetkizilgen kór­set­kishter, qoldanystaǵy sharalar jáne aldaǵy kezeńge josparlanǵan josparlar týraly baıandady. Máselen, ótken jyldyń 11 aıynda 2 151 tekserý júrgizilgen. Nátıjesinde, qarjylyq buzýshylyqtar anyq­ta­lyp, bıýdjetke óteldi. 8 761 aýdıt materıaldary boıynsha «Ákimshilik quqyq buzýshylyq týraly» Kodekske sáıkes ákimshilik ister qozǵaldy, olar boıynsha 1 886 adam jaýapqa tartylǵan. Al 186 is týraly materıal qu­qyq qorǵaý organdaryna joldandy jáne somanyń 92%-y ­ bıýdjetke qaıtaryldy. Byltyr jyl basynan beri túrli sala­­­lardan barlyǵy 37 myńǵa jýyq ótinish kelip túsken, onyń ishin­de shamamen 22 734 qana­ǵat­tan­dyryldy. Onyń ishinde 30 myń­nan astamy – memlekettik satyp alý rásimine baılanysty júgingen zańdy tulǵalar. Qalǵan jeke tul­ǵa­lar­dan kelip túsken 7 myń­nan astam ótinishti qa­ras­­tyryp árqaısysyna ja­ýap berilgen. О́tinishterdiń kóbisi qurylys, bilim berý, kólik, jolaýshylar tasymaly jáne medısına salasyndaǵy bıýdjettik aqshany jumsaý máselelerine qatysty bolyp keledi. «Tekserý nátıjesinde 311,8 mlrd teńgege qarjylyq buzýshylyqtar anyq­tal­dy. Olardyń 11,5 mlrd teń­gesi bıýdjetke óteldi, 31 mlrd teńgege taýarlar jetkizilip, qyz­­­metter kórsetildi, jumystar oryn­daldy jáne 244,7 mlrd teńge­­ge býhgalterlik esep boıyn­sha kemshilikter óz qalpyna sáıkestendirildi. Memlekettik organdar qyzmetiniń tıimdiligin arttyrýǵa arnalǵan eki myńǵa jýyq usynys berilip, onyń 74%-dan kóbi oryndaldy. Negi­zinen, buzýshylyqtar bıýdjet qarajatyn burys josparlaý­­­dan oryn alady. Sonyń saldarynan bıýdjet qarajatyn asyra jos­­­parlaý, jalaqy nemese basqa da tólemderdi negizsiz aýdarý, oryndalmaǵan jumystar jáne atqarylmaǵan qyzmetter úshin bıýdjet qarajatyn negizsiz tóleý faktileri jıi oryn alady», dedi komıtet tóraǵasy.

Sondaı-aq E.Myńjasarov komı­tettiń barlyq aýmaqtyq bólim­shelerinde memlekettik me­­kemelerdiń qarjy-sharýa­shy­lyq qyzmetine elektrondyq aýdıt modýli iske qosylǵanyn aıtyp ótti. Jańa elektrondyq aýdıt platformasy arqyly 18 aýdıt is-sharasy taǵaıyndalyp, onyń 9-y aıaqtalǵan. Atalǵan aýdıt arqyly 2,3 mlrd teńgeni qamtyp, bıýdjettik jáne de basqa zańnamalardyń normalary 12,5 mln teńgege buzylǵany anyqtaldy. Onyń ishinde 3,7 mln teńge bıýdjetke óteldi. So­ny­men qatar elektrondyq aýdıtti júrgizýdi Ishki aýdıt qyz­metterine de taratý jos­par­lanyp otyr. Komıtet tóra­ǵasynyń aıtýynsha, sapaly taýarlardy, jumystardy, kór­setiletin qyzmetterdi satyp alý maqsatynda 2023 jylǵy
1 qańtardan bastap ómirlik sıkl qunyn paıdalana otyryp, konkýrs túrinde satyp alýdyń jańa tásili engiziledi. Satyp alýdyń osy ádisin júzege asyrý kezinde ónim berýshini tańdaý bastapqy baǵa negizinde emes, taýardyń búkil qyzmet etý merziminiń quny negizinde júzege asyrylady.

Kezdesýge qatysqan Túrkistan oblysy ákiminiń orynbasary A.Sábıtov óńirdiń 2022 jyly  qol jetkizilgen kórsetkishteri týraly baıandama jasap, tur­ǵyn­dar­dyń suraǵyna jaýap berdi.

Túrkistan oblysy