Berik Asylov 2022 jyldyń 5 qańtarynda 8 óńirdiń ákimdikteri bir ýaqytta shabýylǵa ushyraǵanyn atap ótti.
Onyń aıtýynsha, 5 qańtarǵa qaraǵan túni shabýyldaýshylar Almaty ákimdiginiń ǵımaratyna basyp kirgen, al bir saǵattan keıin Shymkent ákimdiginiń ǵımaratyna shabýyl jasaldy. Sol kúni saǵat 15-te qylmyskerler Atyraý men Qyzylorda qalalaryndaǵy oblystyq ákimdikterdiń ǵımarattaryna shabýyl jasaı bastady. Dál sol ýaqytta Almatyda shabýylshylar ákimdikti órtep, Prezıdent rezıdensııasynyń ǵımaratyna aýysty.
- «Anna», «Qorǵan» jáne «Alpamys» ańshylyq dúkenderi tonaldy, sodan keıin qylmyskerler avtokóliktermen alańǵa qarý kirgizip, ony mıtıngke qatysqandarǵa tarata bastady. Munda nazar aýdaratyn mańyzdy nárse - eldiń qaýipsizdik qyzmetkerleri jaýyngerlik qarýdy 5 qańtarda saǵat 16:00-de Prezıdent rezıdensııasyn qorǵaý kezinde qoldandy. Budan ári qaýipsizdik kúshteri qarýdy polısııa ǵımarattaryna, ákimdikterge, basqa obektilerge, ıaǵnı tártipsizdikter zorlyq-zombylyq kezeńine ótken kezde shabýyldardy toıtarý kezinde qoldandy. Iаǵnı, shabýyldaýshylarǵa Prezıdenttiń sózinen buryn oq atylǵan», - dep naqtylady Berik Asylov.
Bas prokýror adamdardyń ómiri men densaýlyǵyna qaýip tóngen kezde shabýyldy toıtarý úshin jaýyngerlik qarýdy qoldanýǵa múmkindik beretin quqyq qorǵaý qyzmeti, Ulttyq ulan, terrorızmge qarsy is-qımyl týraly zańnyń tikeleı normalary bar ekenin qosa aıtty.
«Dál osyndaı qaýipti jaǵdaı 5 qańtarda tústen keıin paıda bolyp, jaǵdaı oqshaýlanǵanǵa deıin saqtaldy», dedi Berik Asylov.
