Qaıǵyly qańtardyń hronologııasyn jınaqtaǵan fılm 11 mınýt 10 sekýndqa sozylady.
Qańtardaǵy tártipsizdikter kezinde 12 uıymdasqan qylmystyq top jumys istegeni anyqtaldy, olardyń ishinde eń belsendileri «Qazaqstandyqtar», «Aıshýaq-Jantúgel» jáne «Dıkıı Arman» toby boldy.
«Sońǵylary ártúrli aýdandardan 24 adamdy urlap ketken. Olardy «Qazaqstan» jáne Ritz-Carlton qonaq úıleriniń parkıngterinde kepilge alyp, uryp-soǵyp ustady», delingen fılmde.
Sondaı-aq qaıǵyly qańtar aıynda birqatar óńirde UQK jergilikti bólimsheleri men polısııa departamentteriniń basshylary qaramaǵyndaǵylarǵa jumys ornynan ketýge buıryq bergeni belgili boldy. Mysal retinde Almaty oblysy PD burynǵy bastyǵy Serik Kúdebaevtyń polısııa ǵımaratynan ketip bara jatqany kórsetilgen.
