2 qańtar kúni tańerteń polısııaǵa úılerdiń birinde jylý júıesi isten shyqqany týraly habarlama túsken. Tártip saqshylary oqıǵa ornyna baryp, páterlerdiń birinde qubyr jarylǵanyn, bólmeni ystyq sý basyp ketkenin anyqtady.
«Páter ishinen qulyptaýly bolǵan. Tótenshe jaǵdaılar departamenti jedel-qutqarý jumystaryn júrgizdi. Tekserý barysynda polısııa qyzmetkerleri 50, 56 jáne 59 jastaǵy úsh áıeldiń máıitin tapty. Onyń biri úı ıesi jáne onyń eki qurbysy. Medısınalyq saraptamanyń qorytyndysyna sáıkes, áıelderdiń ólimine kúıik shalýy sebep bolǵan», delingen habarlamada.
Is sot-medısınalyq saraptamadan ótedi. Qazir tergeý amaldary júrip jatyr.
