«О́tken jyly zeınetaqyny ındeksteý boldy. Inflıasııa joǵary bolsa da adamdarǵa 10-15 myń teńge qosymsha tólendi. Buǵan kóptiń kóńili tolmady. Halyq qaıta ındeksteýdi kútý kerek pe?» dep jýrnalıster Altaı Kólginovke suraq qoıdy.
«Barlyq reformalar halyqtyń tabysyn arttyrýǵa baǵyttalǵan. Bıyl ınflıasııa rekordty jańartty. Muny eshkimge jasyryn emes. Sondyqtan aldaǵy ýaqytta ındeksteý de júrgiziledi», dep túsindirdi Altaı Kólginov.
Ol bıyldyń ózinde sheshim qabyldanǵanyn, biraq aldaǵy ýaqytta ındeksteý júrgiziletinin túsindirdi.
«Árıne, bolashaqta ındeksasııa bolady, jalaqyny da ındeksteımiz. Dárigerlerdiń, muǵalimderdiń jalaqysy bıyl 25 paıyzǵa, medısına qyzmetkerleriniń jalaqysy 30 paıyzǵa óskenin kórip otyrsyzdar. Jalpy, barlyq salalarda, tipti jeke kompanııalarda da jalaqy ósip keledi. Bizde kásipodaqtar, jumys berýshiler jáne jergilikti atqarýshy organdar arasynda úshjaqty kelisimder bar», dedi vıse-premer.
