foto: polisia.kz
«8 qańtarda polısııa qyzmetkerleri men Ulttyq ulan arnaıy jasaqtarynyń qatysýymen kıik múıizderin satýmen aınalysqan kúdiktini ustady. 32 jastaǵy er adam Aqsý aýdanynyń turǵyny bolyp shyqty. Tintý kezinde odan 222 dana kóleminde janýar múıizi tárkilendi», dep habarlady Jetisý oblysy IID baspasóz qyzmetinen.
Tergeý Qazaqstan Respýblıkasy Qylmystyq kodeksiniń 339-baby (Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter nemese janýarlar túrlerimen, olardyń bólikterimen nemese derıvattarymen zańsyz aınalysý) boıynsha júrgizilýde. Er adam qamaýǵa alyndy.
