Eselengen elektrondy qyzmet

Sıfrlyq damý mınıstrligi­niń 2020 jyldyń 13 qazanyndaǵy buıryǵyna sáıkes, sıfrlyq maınıng salasyndaǵy kásipkerden atalǵan qyzmetti júrgizý úshin lısenzııa talap etilmeıdi. Tek elisense.kz portaly arqyly óz qyzmetiniń bastalǵany týraly elektrondy ótinish jiberip, onlaın ruqsat alý jetkilikti.

Sıfrlyq maınıngti júzege asyrý qyzmeti týraly aqpa­rat­tandyrý úshin ótinish ıesi portalda mynadaı derekterdi tol­­tyrady: qajetti megavatt (MVt) qýat­tylyǵy týraly óti­­­nish; josparlanyp otyr­ǵan jumys ornynyń sanyn kórsetý; josparlanǵan ınvestı­sııa (teńge); IP meken-jaı; sıfr­lyq maınıngti óndirýge arnal­ǵan óńdeý ortalyǵynyń orna­lasqan jeri týraly aqparat. Mem­lekettik organ jiberilgen óti­nishti qarastyrǵannan keıin aqparat avtomatty túrde ruqsat etilgen qujattar reestrine túse­di nemese bas tartý reestrine jiberiledi (dáleldi sebeppen). Ruqsat etilgen qujat túrindegi ne bolmasa dáleldi bas tartý sebebi bar jaýap 15 kún ishinde paıdalanýshynyń e-lisense.kz portalyndaǵy jeke kabınetine kelip túsedi.

Sondaı-aq atalǵan portal­da qaldyqtardy jınaý, suryp­taý jáne tasymaldaý jónindegi qyzmettiń bastalǵany/toqta­tyl­ǵany týraly habarlama bo­ıynsha da qyzmet qoljetimdi. Paıdalanýshy portalǵa kirip qaldyqtarmen jumys isteý sala­syndaǵy kásipkerlik sýbek­tisiniń ataýyn kórsete otyryp ótinish qaldyrady. Sýbekt jáne ornalasqan jeri týraly derekti kórsetedi. Qyz­mettiń ne­mese árekettiń ataýyn jazady. Jiberilgen habar­lama Habar­landyrý rásimi sýbek­tileriniń tizilimine avtomatty túrde engi­ziledi. Jaýap 3-5 mınýt ishin­de jeke kabınetke keledi. Bu­ǵan deıin atalǵan qyz­met tek qaǵaz júzinde iske asyrylyp keldi jáne ótinish berýshiler memlekettik organ­dar­dyń kanselıarııasyna jú­gingen edi.

Aıta keteıik, e-lisense portalyna kirý jáne avtorızasııa ja­saý jeke tulǵalar úshin bir ret­tik qupııa sózben atqarylady. Son­daı-aq jeke tulǵalar da, zańdy tulǵalar da portal qyz­metin tu­tyný úshin elektrondy sıfrlyq qoltańbany qoldana alady.