Túrkııa Respýblıkasynan shaqyrylǵan qonaqtar - «PROgen» kompanııasy otandyq ósimdik ósirýshilerge bólip tóleý shartymen satylatyn aýrýlar men zııankesterge tózimdi maqtanyń jańa túrlerin tanystyrdy. «Túrkistan» ÁKK tuqym satyp alýǵa qajetti qaryz somasyn jyl sońyna deıingi merzimde berýge daıyn.
Buǵan deıin Qazaqstan men Túrkııa arasynda tuqym sharýashylyǵyn damytý boıynsha yntymaqtastyq týraly Memorandýmǵa qol qoıylǵan edi.
Bıznes-forým jumysyna Aýyl sharýashylyǵy mınıstrliginiń ókilderi, túrik kásipkerleri, shıtti maqta óndirýshiler, maqta óńdeý zaýyttarynyń, ǵylymı uıymdardyń, maqta maıyn óndirý zaýyttarynyń ókilderi, sondaı-aq maqta tuqymyn óndirýshiler qatysty.
Forým barysynda Aýyl sharýashylyǵy vıse-mınıstri Ábilqaıyr Tamabek sóz sóıledi. Ol maqta sharýashylyǵy salasyn damytýdyń mańyzdylyǵyn atap ótti.
«Memlekettik satyp alýlardaǵy qazaqstandyq qamtý úlesin, onyń ishinde turmystyq taýarlar men maqtany qaıta óńdeý ónimderin ulǵaıtý máselesi pysyqtalyp jatyr. Birinshi kezeńde ulttyq kompanııalar 70% deıin otandyq maqta ónimderin tósek-oryn, súlgiler satyp alýy tıis. Memlekettik qorǵanys tapsyrysyn qalyptastyrý kezinde jergilikti qamtý úlesin 30%-dan 70%-ǵa deıin ulǵaıtý josparlanyp otyr», dep atap ótti vıse-mınıstr.
Búgingi kúni salanyń negizgi maqsaty - naqty naryqtyq tetikterdi endirý arqyly qazaqstandyq maqta óndirisin básekege qabiletti jáne joǵary rentabeldi etý.
Mınıstrlik Qazaqstan Prezıdentiniń tájirıbelik sharýashylyqtar bazasynda bastapqy tuqym sharýashylyǵyn damytý, onyń ishinde jabdyqtardy jańartý jáne agrarlyq ǵylymdy yntalandyrý jónindegi tapsyrmasyn oryndaý maqsatynda Seleksııa jáne tuqym sharýashylyǵy salasyn damytý boıynsha keshendi jospar ázirlep jatyr. Ol seleksııa men tuqym sharýashylyǵynyń barlyq kezeńderinde, sonyń ishinde maqta sharýashylyǵynda oryn alatyn júıeli problemalyq máselelerdi sheshýge baǵyttalǵan sharalardy kózdeıdi.
Bıznes-forým qorytyndysy boıynsha Túrkııa Respýblıkasynyń Shyǵys Jerorta teńizi aýyl sharýashylyǵy zertteýler ınstıtýty men «Maqta sharýashylyǵy jáne baqsha sharýashylyǵy AShTS» JShS arasynda birlesken ǵylymı zertteýler júrgizý, maqtanyń jańa sorttaryn shyǵarý boıynsha yntymaqtastyq týraly kelisimge qol qoıyldy.
