Vedomstvo basshysy elimizdiń ekonomıkasyna ınvestısııa tartý úshin Japonııanyń iri bıznesimen áriptestik baılanysty nyǵaıtýǵa múddeli ekenin jetkizdi. Buǵan qosa taraptar taıaý arada úkimetaralyq komıssııanyń otyrysyn ótkizýge baılanysty naqty merzimdi belgileýge ýaǵdalasty.
Atalǵan kezdesýde bıyl Tokıo qalasynda ótkizilýi tıis ekonomıkalyq yntymaqtastyq jónindegi eki eldiń úkimettik jáne jeke sektordyń Qazaqstan-Japonııa birlesken komıssııasynyń VIII otyrysyna qatysty máseleler de qaraldy.
«Japonııa Qazaqstannyń iri ekonomıkalyq seriktesteriniń biri sanalady. Úkimetaralyq komıssııanyń VIII otyrysy Qazaqstan-Japonııa Ekonomıkalyq yntymaqtastyq komıtetiniń XVII birlesken otyrysymen biriktiriletin bolady. Bul rette birlesken komıssııanyń qyzmeti aıasynda saýda-ınvestısııalyq baǵyttaǵy yntymaqtastyqty, avtomobıl óndirisi, elektronıka jáne elektrotehnıka salasyndaǵy tájirıbemen almasýdy, sondaı-aq jasyl tehnologııalar baǵytyndaǵy áriptestikti keńeıtý men aqparattyq tehnologııalar jáne elektrondy ónerkásip segmentindegi startaptardy damytý máselelerin qarastyrýdy usynamyz», dedi Marat Qarabaev.
Osy oraıda qazaqstandyq tarap atalǵan basqosýdy sátti ótkizýge qol ushyn berýge daıyn ekenderin jetkizdi.
Úkimetaralyq komıssııanyń otyrysyn ótkizý formatyn talqylaý men ony birlesip iske asyrý maqsatynda jobalar pýlyn aıqyndaý úshin M.Qarabaev osy úkimetaralyq komıssııanyń teń tóraǵasy, Japonııanyń Ekonomıka, saýda jáne ónerkásip mınıstriniń orynbasary Hıraı Hırohıdemen onlaın formatta kezdesý uıymdastyrýdy usyndy.
О́z kezeginde Ioshıkava Iýýmı qazaqstandyq áriptesiniń usynystaryn qoldaıtynyn aıtyp, bul týraly Japonııanyń Ekonomıka, saýda jáne ónerkásip mınıstrliginiń basshylyǵyna jetkizetinine ýáde etti. Kezdesýdiń qorytyndysy boıynsha taraptar iskerlik áńgimege rızashylyqtaryn bildirip, eki eldiń qarym-qatynasyn odan ári damytýdyń mańyzdylyǵyn atap ótti.
