Otyrysta Qazaqstan Respýblıkasynyń Prezıdenti Qasym-Jomart Toqaevtyń «Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy týraly» Jarlyǵyn iske asyrý maqsatynda Aqtóbe oblysynda atqarylyp jatqan sharalar qaraldy. Jarlyq aıasynda júzege asyrylyp jatqan negizgi jobalardyń biri – «Aýyl amanaty» aýyl turǵyndarynyń tabysyn arttyrý jobasy.
Aqtóbe oblysy Qazaqstanda birinshi bolyp jobany júzege asyrýǵa kiristi.
«Memleket basshysy Qasym-Jomart Toqaev óz Joldaýynda aýyl sharýashylyǵyn damytý, aýyl sharýashylyǵy ónimderiniń kólemi men onyń qosylǵan qunyn arttyrý, kooperatıvterdi damytý strategııalyq mindet ekenin atap ótti. «Aýyl amanatyna» daıyndyq barysynda ár aýyldyq okrýg boıynsha skrınıng júrgizilip, jumyssyzdar men ózin-ózi jumyspen qamtyǵandardyń naqty sanynyń naqtylanýynyń arqasynda oblysymyz búginde Prezıdenttiń aýyldyq aýmaqtardy damytý jónindegi tapsyrmasyn oryndaýǵa daıyn», dedi oblys ákimi Eraly Toǵjanov.
Birinshi kezeńde oblystyń 24 aýyldyq okrýginde 2700-den astam joba júzege asyrylady. Bul maqsattarǵa 3 mıllıard teńge bólindi. Jobanyń ereksheligi - qolma-qol aqshamen qatar taýarlyq nesıe berý. Atap aıtqanda, 27 iri sharýa qojalyǵy esebinen aýyl turǵyndaryna 6 myń bas mal berý josparlanyp otyr. Aýyl turǵyndary nesıeni alǵan tólimen qaıtarady. Búgingi tańda 42 jeke sharýashylyqqa 650 bas iri qara mal berildi. «Aýyl amanaty» aıasynda qus sharýashylyǵyna erekshe kóńil bólinedi.
Oblys ákiminiń orynbasary Gúlqasıma Súıintaeva jyl saıyn oblys qus etiniń 90 paıyzdan astamyn shetelden jáne elimizdiń ózge óńirlerinen satyp alyp, tek 5,4 paıyzyn otandyq ónim esebinen qamtamasyz etetinin atap ótti.
«Aldyn ala esepteýler boıynsha, osy jáne basqa da sharalardy qabyldaý nátıjesinde qazirdiń ózinde 2023 jyly oblysty otandyq qus etimen qamtamasyz etý 31%-ǵa, 2024 jyly - 64%-ǵa, al 2025 jyly 100%-ǵa deıin artady. Jalpy, joba ımportty kezeń-kezeńimen qysqartýǵa, ishki naryqty óz óndirisiniń taýarlarymen toltyrýǵa, azyq-túlik qaýipsizdigin qamtamasyz etýge jáne baǵany turaqtandyrýǵa múmkindik beredi. Aldaǵy úsh jylda oblystyń barlyq aýyldarynda jobany qamtý úshin qosymsha 58,6 mlrd teńge qajet», dedi ol.
«AMANAT» partııasynyń tóraǵasy Erlan Qoshanov Memleket basshysy óziniń saılaýaldy baǵdarlamasynda aýyldyń ómir súrý deńgeıin kóterýge basa nazar aýdarǵanyn atap ótti. Aldaǵy 7 jylda aýyl turǵyndarynyń tabysyn arttyrýǵa 1 trıllıon teńge bólý josparlanyp otyr, bul aýyl sharýashylyǵynda 350 myńnan astam sapaly jumys ornyn qurýǵa múmkindik beredi.
Aýyl turǵyndarynyń ál-aýqatyn jaqsartý jáne áleýmettik máselelerin jedel sheshý maqsatynda Úkimet «AMANAT» partııasymen birlesip, búkil Qazaqstan boıynsha «Aýyl amanaty» jobasyn iske qosty.
Ony júzege asyrýǵa bıyl 52 mıllıard teńge bólingen. Partııa janynan ádistemelik qamtamasyz etý, azamattar men ákimderdi oqytý, ótinishterdi qabyldaý jáne qarjy bólý barysyn qadaǵalaıtyn jobalyq keńse ashyldy.
«Bul bizdiń aýyldardy kóterýge kómektesetin naqty qadamdar. Jambyl oblysynyń 11 aýyldyq okrýginde jobany pılottyq túrde iske qosý nátıjesinde aýyldardaǵy ortasha aılyq tabys 1,7 esege, ataýly áleýmettik kómek alýshylar sany 3 esege, jumyssyzdyq deńgeıi 36 adamǵa qysqardy. «AMANAT» partııasy men Úkimettiń mindeti – «Aýyl amanaty» jobasyn respýblıka boıynsha aýqymdy etý. Sondaı-aq turǵyndardy jobanyń barlyq artyqshylyqtary týraly durys aqparattandyrý mańyzdy. Aqtóbe oblysynda «Aýyl amanaty» jobasyn júzege asyrý baǵytynda pármendi sharalar qolǵa alyndy. Eraly Toǵjanovtyń basshylyǵymen oblys jaqsy nátıje kórsetetinine senimdimin», dedi Erlan Qoshanov.
