Grýzııanyń Qazaqstandaǵy elshisi bolyp Lalıashvılı Nıkoloz taǵaıyndaldy.
Ol 1973 jyly 17 jeltoqsanda Tbılısı qalasynda dúnıege kelgen. Tbılısı memlekettik ýnıversıtetin zańtaný jáne fılologııa mamandyqtary boıynsha bitirgen. Fılologııa ǵylymdarynyń doktory dárejesine ıe.
Bas shtab ofıserleri, Eýropadaǵy odaqtas derjavalardyń Joǵarǵy Bas Qolbasshysy mektebi (Germanııa), AQSh Áskerı-teńiz Ádilet mektebi, NATO qorǵanys kolledjiniń aǵa ofıserleri (Italııa), Garvard ýnıversıtetiniń Kennedı mektebinde (AQSh) Qara teńiz qaýipsizdigin qamtamasyz etý kýrstarynda oqydy.
Eńbek jolyn 1998 jyly Grýzııa Qarýly kúshteri Bas shtabynyń NATO-nyń Beıbit josparlaý seriktestigi jáne sholý prosesiniń bastyǵy laýazymynan bastady. Ári qaraı Grýzııa Ulttyq Qaýipsizdik Keńesiniń áskerı keńesshisi jáne Grýzııa memlekettik qaýipsizdik mınıstrliginiń qoǵammen baılanys bóliminiń bastyǵy, sondaı-aq Grýzııa Qorǵanys mınıstrliginiń NATO ıntegrasııa bóliminiń bastyǵy bolyp jumys istedi. Grýzııanyń joǵary Ádilet keńesiniń múshesi, Parlament depýtaty - Ultaralyq qatynastar komıteti tóraǵasynyń orynbasary boldy.
2015 jyly «Maestro» telekompanııasyna saıası redaktor retinde jumysqa aýysady, al 2020 jyldan bastap «Imedı» telekompanııasyn basqarǵan.
