О́ner • 24 Qańtar, 2023

Kóne qorjynnyń keremeti

154 ret kórsetildi

Qazaqtyń etnografııalyq qundylyǵyn tanytatyn jádigerdiń qatarynda qolóner sheberleriniń toqyma buıymdary da bar. Sonyń dálelindeı, kóneden jetken qorjyndardyń bir toby qazir Atyraý oblystyq tarıhı-ólketaný mýzeıiniń qorynda saqtaýly tur. О́tken aptada mýzeı qyzmetkerleri 20-ǵa jýyq qorjyndy jurtshylyq nazaryna usyndy.

Ekspozısııaǵa qoıylǵan alýan túrli qorjynnyń biri kıiz­den, keıbiri túkti kilemnen jasalǵan. Pishini ártúrli qor­jyndar sharýashylyq, tur­mystyq maqsatta qolda­nylǵan. Máselen, memleket qaıratkeri, ulttyq ónerdiń janashyry Imanǵalı Tasmaǵambetov 1999 jyly syıǵa tapsyrǵan qorjyn júnnen túksiz etip toqylǵan. Tórt­buryshty, qyzyl-qońyr tústi bul qorjynnyń betinde órnegi, eteginde shashaǵy bar.

Taǵy bir qorjyndy 1978 jyly Jylyoı aýdanyndaǵy Qosshaǵyl aýylynyń turǵyny Jańylsyn Taǵanova mýzeı qoryna tapsyrǵan. Jergilikti qolóner sheberi ıirilgen jún­nen toqylǵan qyzyl tústi qor­jynǵa rombık tárizdi birneshe órnek salǵan.

Halqymyz kóneden jet­ken etno­grafııalyq qun­dy­lyq sanatyndaǵy qorjyndy qudaıyndaı syılaıtyn quda­syna arnaǵan. Sondaı erekshe qorjynnyń birin qolóner sheberi Ázıma Jamambaeva 1990 jyly toqyǵan eken. Quda qorjyny betine qyzyl, jasyl, kók, sary jipterden júz terý órnegimen toqylǵan. Eki qal­taly, ortasynan baılaıtyn jibi bar. Bul týyndy 2007 jyldan beri mýzeıdiń jádigerine aınalǵan.

Al 1931 jylǵy asharshylyq kezinde Qaraqalpaqstanǵa kó­ship ketken qandasymyz, qol­óner sheberi Balkúnshe Qur­manqyzynyń týyndysyn nemeresi kózdiń qarashyǵyndaı saqtap kelgen. Sándibaı Qul­myshev on saýsaǵynan óner tamǵan ájesiniń buıymyn jo­ǵaltpaı, 2017 jyly mýzeı qoryna tapsyrypty.

 

Atyraý oblysy

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar