Qoǵam • 24 Qańtar, 2023

Septigi mol sıfrlyq karta

53 ret kórsetildi

Atyraý oblysynda ótken jylǵy qyrkúıekte «Otbasynyń sıfrlyq kartasy» qanatqaqty jobasy iske qosylǵan edi. Búginde jańa jobanyń tıimdiligi baıqala bastady.

Oblystyq jumyspen qam­tý­dy úılestirý jáne áleý­mettik baǵdarlamalar basqar­ma­synyń basshysy Azamat Mámbetovtiń aıtýynsha, bul joba biraz tur­ǵyn­nyń ýaqytyn únemdeýge sep­tigin tıgizip jatyr.

– Memleket basshysynyń tapsyrmasyna sáıkes pılottyq rejimde qoldanysqa engizilgen jobanyń qazir tıimdiligine kóz jetkizip otyrmyz. О́ıtkeni otba­synyń sıfrlyq kartasy – azamattarǵa áleýmettik márte­besine baılanysty kepil­den­­dirilgen memlekettik qoldaý sharalaryn alý quqyǵy týraly aqparat beretin elektrondyq jarshy. Atalǵan joba arqyly byltyrǵy qyrkúıek aıy­­­nan beri 1 540 adamǵa sms-habarlama jiberildi. Sodan keıin 700-den astam atyraýlyqqa járdem­aqy­lar men áleýmettik tó­­lem­der rásim­deldi, – deıdi A.Mámbetov.

Onyń aıtýynsha, «Otba­sy­nyń sıfrlyq kartasy» jobasyna oblystaǵy barlyq ot­ba­­sy men músheleri týraly de­rekter engizilgen. Bul derekter otbasy men músheleri mártebesiniń ózge­rýine baılanysty jańartylady.

– Memlekettik qoldaý sharalaryn alý quqyǵy belgilengen adamǵa qyzmet kórsetýge keli­sim alý úshin sms-habarlama jibe­ri­ledi. Ony alǵan azamat «ıá» dep jaýap jazǵan soń, júıede aqparat tolyq tekseriledi. Ke­li­sim alǵannan keıin qyzmet alý­shynyń ótinishi tirkeledi. Sonyń nátıjesinde járdemaqy, áleý­mettik tólemder nemese mem­­lekettik qoldaýdyń basqa túrleri taǵaıyndalyp, keıin alý­shynyń esepshotyna aýdarylady. Iаǵnı eshkim qujat tapsyryp júrmeıdi. Sol sııaqty ózge de áleýmettik tólemderdi alýǵa quqyly azamattarǵa da osylaı sms-habarlama joldanady. Tipti «Otbasynyń sıfrlyq kartasy» ataýly áleýmettik kómekti alýdy da usynady, – deıdi A.Mámbetov.

Jyl basynan beri bıyl ataý­ly áleýmettik kómek taǵaıyn­dalýy múmkin 251 azamatqa sms-habarlama joldanǵan. Onyń ishin­de 181 azamattan sms-habar­la­ma jaýap kútip otyr. Al 32 adam­ǵa ataýly áleýmettik kómek taǵaıyn­dal­ǵan.

 

Atyraý oblysy 

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar