Polısııanyń habarlaýynsha, esirtkini jasyryn jerlerde taratý jazasy aýyr. Qylmys anyqtalǵan jaǵdaıda qylmyskerdiń múlki tárkilenip, 10-15 jylǵa deıin bas bostandyǵynan aıyrylýy múmkin.
«Jedel-izdestirý is-sharalaryn júrgizý kezinde esirtki qylmysyna qarsy kúres basqarmasynyń qyzmetkerleri Qostanaı qalasyndaǵy kolledjderdiń biriniń stýdentterin ustady. Olar esirtkini úılerdiń kireberisine, onyń ishinde poshta jáshikterine tyǵyp qoıǵan. Bul qylmystyq árekette úsh stýdent qyz da esirtki taratyp júrgen sátinen ustaldy», deıdi oblystyq polısııa departamenti bastyǵynyń orynbasary Dúısembaı Baıbusynov.
Tintý kezinde stýdentterden aq tústi untaq zaty bar 50 býma tárkilendi. Keıin jaldamaly páterdi tintý kezinde 192 gramm sıntetıkalyq «mefedron» esirtki zaty tabylyp, tárkilendi. Bul departamentte anyqtalǵandaı, óte úlken mólsher. Qazirgi ýaqytta kúdiktiler QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy.
«Jedel izdestirý is-sharalary barysynda 23 jastaǵy kúdikti ustaldy, onyń da osy qylmystyq áreketke qatysy bar. Tintý kezinde odan jalpy salmaǵy 20,08 gramm bolatyn esirtki psıhotroptyq zaty tárkilendi. Ustalǵan adam qamaýǵa alyndy», dep jalǵastyrdy polısııa polkovnıgi.
Atalǵan faktiler boıynsha sotqa deıingi tergeý amaldary bastaldy.
