3 paneldik sessııa otyrysynda QR Premer-mınıstriniń orynbasary Altaı Kólginov, QR Prezıdentiniń Ákimshiligi Basshysynyń orynbasary – Prezıdenttiń Baspasóz hatshysy Rýslan Jeldibaı, QR Aqparat jáne qoǵamdyq damý mınıstri Darhan Qydyráli, Qazaqstan Respýblıkasynyń Prezıdenti janyndaǵy «Ortalyq kommýnıkasııalar qyzmeti» respýblıkalyq memlekettik mekemesiniń dırektory Asqar Omarov sóz sóıleıdi dep josparlanǵan.
«Jahandyq aqparat aǵymynda merzimdi baspasóz basylymdarynyń alar orny erekshe. Baspasóz basylymdar tarıhymyz ben mádenıetimizdi, rýhanı ulttyq qundylyqtarymyzdy urpaqtan urpaqqa jetkizetin negizgi aqparat quraly ekeni sózsiz. Alash arysy, ult ustazy Ahmet Baıtursynulynyń «Gazet – halyqtyń kózi, qulaǵy hám tili» degen danalyq sózi áli kúnge deıin ózektiligin joǵaltqan joq. Oǵan dálel retinde baspasóz basylymdarynyń jyl sanap kóbeıip kele jatqanyn aıtýymyzǵa bolady. Eger 2016 jyly Qazaqstanda 2 myńǵa jýyq BAQ tirkelgen bolsa, búginde olardyń sany 5 myńnan asqan. Onyń 70%-ǵa jýyǵy baspa basylymdar ekeni belgili. Bul - medıa salasynyń qarqyndy damý áleýetiniń ulǵaıǵany men bolashaǵynyń zor ekendigine taǵy bir dálel. Otandyq medıanyń áleýetin budan da arttyrý úshin aldymyzda aýqymdy mindetter bar», dedi minberge birinshi bolyp shyqqan Altaı Kólginov.
Sonymen qatar ol Aqparat jáne qoǵamdyq damý mınıstrliginiń aldynda turǵan mindetterdiń árqaısysy qoǵamda ádiletti Qazaqstan qundylyqtaryn ilgeriletý úshin zor mańyzǵa ıe ekenin tilge tıek etti.
«Memleket basshysy saılaýaldy baǵdarlamasynda elimizdegi aqparattyq saıasatty, jastar saıasatyn, azamattyq qoǵam men baılanys tetikterin jetildirý boıynsha naqty tapsyrmalar berip, mindetter qoıdy. Osy turǵyda óńirlik baspa buqaralyq aqparat quraldarynyń máselelerin, atap aıtqanda oqyrmandardyń sany men basylym taralymyn qaıta kóbeıtý, qarjylandyrý jáne tehnıkalyq jańartý, ýaqtyly jetkizý men jergilikti BAQ-tyń ahýalyn jaqsartý baǵytynda mınıstrlik jáne jergilikti atqarýshy organdarmen birge tıimdi ári naqty sheshý joldaryn pysyqtaý qajet dep esepteımiz. Búgingi jıyn maqsaty da - osy», dedi Premer-mınıstrdiń orynbasary.
Sondaı-aq ol búgingi jıyn kókeıde júrgen kóp suraqtyń jaýabyn tabýǵa múmkindik beretin taptyrmas alań ekenin de atap ótti. Forým sońynda túrli másele tóńireginde oń nátıjege qol jetkizemiz degen senimi baryn bildirdi. Budan bólek, Úkimettiń jergilikti atqarýshy organdarmen birlese otyryp óńirlik basylymdardyń damýy úshin qolaıly jaǵdaı jasaıtynyn jetkizdi.
