19 qańtarda polısııa departamentiniń uıymdasqan qylmysqa qarsy kúres basqarmasy qyzmetkerleri Jambyl oblysy boıynsha ekonomıkalyq tergeý departamentimen birlesip, Merki aýdany Qostoǵan aýylynyń shekara mańynda ornalasqan sharýa qojalyǵynan zańsyz saqtalǵan etıl spırtin anyqtady.
Quqyq qorǵaý organdarynyń qyzmetkerleri qoıma retinde jabdyqtalǵan saraıda kólemi 1 tonna bolatyn 8 bóshkedegi 8 myń lıtr etıl spırtin taýyp, tárkiledi. Atalǵan derekke qatysty QR QK-niń 214-baby 1-bóligi boıynsha sotqa deıingi tergep-tekserý amaldary bastaldy.
Saraptama qorytyndysyna sáıkes, konteınerlerden alynǵan úlgiler tamaq shıkizatynan tazartylǵan etıl spırti ekendigi anyqtaldy. Quramynda spırti bar 8 myń lıtr ónimniń naryqtaǵy quny ortasha eseppen 19,2 mln teńgeni quraıdy.
Atalǵan fakti boıynsha polısııa qyzmetkerleri sharýa qojalyǵynyń 51 jastaǵy ıesin anyqtady. Qazir istiń tolyq mán-jaıyn anyqtaý boıynsha tıisti jedel-tergeý sharalary júrgizilip jatyr.
