Halyqaralyq tájirıbe almasý

Jahandyq jıynǵa Freedom Now, Amnesty International, Solidarity Center, International Republican Institute, World Justice Project, National Democ­ratic Institute jáne óz qyz­me­tin Qazaqstanda júzege asy­ratyn basqa da birqatar úkimet­tik emes uıym qatysty. Taraptar ulttyq ınstıtýttardy odan ári damytýǵa jáne olardyń áleýetin nyǵaıtýǵa baǵyttalǵan halyqaralyq jáne óńirlik quqyq qorǵaýshynyń ózekti máse­lelerdi sheshý boıynsha ózara is-qımyl joldaryn tal­qy­lady. Ýákil úkimettik emes sektor ókilderin elde júr­gizilip jatqan Adam quqyq­tary jónindegi ýákil jáne Kons­tıtýsııalyq sot týraly zańdarda qabyldanǵan konstıtýsııalyq reforma týraly habardar etti. Buǵan qosa ombýdsmenniń róli, onyń mártebesi, táýelsizdigi men oǵan qol suǵylmaýshylyq kepildiginiń kúsheıtilgenin atap ótti.

Artýr Lastaev Qazaqstanda adam quqyqtary jónindegi ýákildiń aýmaqtyq ókilderiniń tarmaqtalǵan jelisi jumysy­nyń bastalǵanyn aıtty. Qu­ra­myna quqyq qorǵaýshy uıym­dardyń, onyń ishinde úkimettik emes uıymdardyń basshylary kiretin ýákildiń janyndaǵy úılestirý keńesiniń qyzmetin atap ótti. Kezdesýdi basqosýdyń quqyq qorǵaýshy qyzmettiń tıimdiligin barynsha arttyrý úshin mańyzdylyǵymen qorytyndylady.

Sondaı-aq buǵan deıin An­karada «HHI ǵasyrdaǵy adam quqyqtarynyń bolashaǵy» atty alańda álemniń 30 eliniń spıkerleri basqosqan edi. Halyqaralyq konferensııaǵa Ázerbaıjan, Italııa, Qatar, Mońǵolııa, Pákistan, Palestına, Reseı, О́zbekstan, Ýkraına, Ońtústik Afrıka Respýblıkasy jáne Shyǵys Eýropa, Ońtústik Azııa men Batys Afrıkanyń ózge de memleketteri qatysty. Olardy Túrkııa prezıdenti Rejep Taııp Erdoǵan jáne túrik bas ombýdsmeni Sherıf Malkoch qarsy aldy.

Konferensııa aıasynda Qazaqstannyń Adam quqyqtary jónindegi ýákili Artýr Lastaev Túrkııa, Reseı Federasııasy jáne basqa da birqatar eldiń ombýdsmenderimen ekijaqty kelissózder men konsýltatıvtik kezdesýler ótkizdi. Onda quqyq qorǵaýshy qundylyqtaryn ilgeriletý salasyndaǵy ózara yntymaqtastyq máseleleri talqylandy.

Paneldik otyrysta Artýr Lastaev eldegi ózgeristerden bólek, qoǵamnan ýaqytsha oqshaýlanǵan jerlerde adam quqyqtaryn buzýdyń aldyn alý boıynsha qabyldanyp jatqan joǵary tehnologııalyq sheshimdermen tanystyrdy.

– Jabyq mekemelerdi úzdik­siz beınebaqylaý júıesimen tolyqtaı qamtý, mekeme ákim­­shiliginiń baqylaýynan tys qadaǵalaý organdaryna óti­nishter berý úshin elek­tron­dyq termınaldardy engizý, onlaın sot otyrysta­ry, advokattarmen, Ulttyq aldyn alý tetiginiń qatysýshylarymen jáne týystarymen onlaın kezdesýler, qashyqtan probasııalyq baqylaý quraldary engizil­mekshi. Sonymen qatar sıfr­landyrý aıasynda bas bostan­dyǵynan aıyrý oryndarynda elektrondyq úkimettiń qyzmetteri kezeń-kezeńimen iske qosylady, – dedi ol.

Interaktıvti dıalogte Adam quqyqtary jónindegi ýá­kil jan-jaqty formattaǵy qu­qyq qorǵaýshynyń qyzmeti jaıly pikir almasýǵa jáne ozyq tájirıbemen bólisýge ashyqtyǵyn bildirdi.

Aıta keteıik, Adam quqyq­­tary jónindegi ýákil BUU Damý baǵdarlamasymen ynty­maqtastyq baǵ­dar­lamasyna túzetýler en­giz­di. Ol úshin BUU Damý baǵ­darlamasynyń Qazaqstan­daǵy Turaqty ókiliniń min­de­tin atqarýshy Sýhrob Hod­jı­matovpen júzdesti. Tarap­tar konstıtýsııalyq refor­ma konteksindegi adam quqyq­tary salasyndaǵy ulttyq zańnamanyń sońǵy ózgeristerin eskere otyryp yntymaqtastyq baǵdarlamasyn túzetý jáne BUU DB men el Úkimetiniń granttary sheńberindegi odan ári bir­lesken jobalardyń basymdyqtaryn sóz etti. О́z kezeginde S.Hod­jımatov ulttyq quqyq qor­ǵaýshy ınstıtýttyń bastamalaryn qoldaýǵa daıyn ekenin jetkizdi.