«AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady. Budan basqa AÁK kórsetý tetigin iske asyrý sheńberinde 2020 jyldan bastap elimizdiń barlyq óńirlerinde az qamtylǵan otbasylardan shyqqan mektep jasyna deıingi balalardy zattaı túrdegi kepildik berilgen áleýmettik toptamamen qamtamasyz etý boıynsha jumys júrgizildi», delingen Eńbek jáne halyqty áleýmettik qorǵaý mınıstrliginiń habarlamasynda.
2022 jyly 1 jastan 6 jasqa deıingi shamamen 204,6 myń AÁK alatyn balaǵa azyq-túlik jáne turmystyq hımııa jıyntyǵy túrinde KÁT taǵaıyndaldy.
Azamattardyń KÁT-ti zattaı formattan aqshalaı formatyna aýystyrý týraly usynystaryn eskere otyryp, 2023 jyldan bastap mektep jasyna deıingi balalarǵa arnalǵan KÁT-ti monetızasııalaý júzege asyryldy. О́nimder men turmystyq hımııa jıyntyǵyn usynýdyń ornyna ár balaǵa 1,5 AEK mólsherinde aı saıynǵy qosymsha tólem belgilendi. Osylaısha, ata-analarǵa balalardyń jeke qajettilikterine qaraı óz betinshe azyq-túlik satyp alýǵa múmkindik beriledi.
Azamattar AÁK taǵaıyndaýǵa ótinishti turǵylyqty jeri boıynsha halyqty jumyspen qamtý ortalyǵyna nemese Elektrondyq úkimet portaly (egov.kz) arqyly bere alady.
Budan basqa 2023 jylǵy 1 qańtardan bastap Qazaqstanda memlekettik qoldaý alý quqyǵyn avtomatty rejımde belgileýge múmkindik beretin Otbasynyń sıfrlyq kartasy (budan ári – OSK) engizildi. AÁK taǵaıyndaý krıterıılerine sáıkes bolǵan kezde OSK proaktıvti formatta memlekettik qyzmetti alý usynysymen áleýetti alýshyǵa avtomatty túrde SMS-habarlama jiberedi. Alaıaqtyq táýekelin boldyrmaý úshin 1414 biryńǵaı baılanys ortalyǵynan kelip túsken SMS-ke jaýap berý qajet.
