Áýezov aýdanynyń turǵyndarymen kezdesý barysynda jergilikti turǵyndardyń biri qala tarıhyn saqtaý jónindegi pikirin aıtqan edi.
«Sizderden qala tarıhyn saqtap qalýlaryńyzdy suraımyn. Eger qalada úı nemese taǵy basqa ǵımarattar turǵyzýǵa ruqsat berilse, kem degende qalanyń ortalyǵyna tıispeńizder, sebebi bul bizdiń tarıhymyz, Almaty turǵyny retinde bul men úshin óte mańyzdy másele», dedi jergilikti turǵyn.
Dosaevtyń aıtýynsha, ótken jyly jańa normalar qaralyp, 2018 jyldan bastap qalany damytý jáne abattandyrýdy shekteıtin normalar qabyldanǵan. О́tken jyldyń kúzinen bastap ákimdikke usynylǵan jańa jobalardyń barlyǵy Almaty qalasynyń qala qurylysy keńesinde qaralyp kelgen.
«Biz qalanyń tarıhı kelbetin barynsha saqtaýǵa tyrysamyz, biraq modernızasııa mindetti túrde bolady, óıtkeni turǵyndar ózgeler sııaqty órkenıettiń barlyq ıgiligin sezingisi keledi. О́kinishke qaraı, paneldi úılerdi jańartý múmkin emes. Bul úıler, árıne, tarıh bolyp sanalady, biraq olardy buzý kerek dep sanaımyn. О́ıtkeni 25 jyldan astam ýaqyt boıy biz ósken yqsham aýdandardaǵy paneldi úıler kishkene soqqyǵa da shydaı almaıdy. Qala jańarady, onyń tarıhı kelbetin de saqtaımyz, biraq ınjenerlik ınfraqurylymdy jańǵyrtý jumystary tolyǵymen júzege asady», dedi Dosaev.
Gúlshahra SANSYZBAI
