Jambyl oblysynda sıfrlandyrý jumystary josparǵa saı júzege asyrylyp jatyr. О́ńirdiń geoaqparattyq júıesin qurý jumystary birer jyl buryn bastalyp, ýaqtyly aıaqtalǵan bolatyn. Áıtkenmen, aldaǵy ýaqytta júıeni jan-jaqty aqparattarmen tolyqtyrý baǵytynda tolyqqandy jumystar qolǵa alynbaq.
Oblystyq sáýlet jáne qala qurylysy basqarmasynyń basshysy Aıtqazy Qarabalaevtyń aıtýynsha, júıeni engizýdegi basty maqsat – qolda bar kartografııalyq derekterdi engizý arqyly sáýlet jáne qala qurylysy, jer qatynastary salasyndaǵy memlekettik qyzmetti avtomattandyrý. Birinshi kezekte oblys ortalyǵy aýmaǵyndaǵy jer ýchaskeleriniń shekaralaryn sáıkestendirý úshin aerofototúsirilim jumystary júrgizilgen.
– Oblys jáne Taraz qalasy turǵyndary úshin geoportaldyń ashyq kartasy jasalyp, onyń 160-tan astam elektrondy kezekshi kartasy qyzmet babynda paıdalaný úshin ázirlendi. Geoportalǵa arnalǵan biryńǵaı talapqa saı 367 kartografııalyq derek engizildi. Bul baǵyttaǵy jumystar óz nátıjesin berip otyr. Memlekettik qyzmetterdi sıfrlandyrý úshin sáýlet jáne qala qurylysy salasynyń 6 qyzmeti, jer qatynastary salasynyń 8 qyzmeti avtomattandyrylǵan bolatyn. Qazirgi tańda oblys ákimdiginiń sıfrlyq tehnologııalar basqarmasyna qarasty óńirlik geoaqparattyq júıesi ortalyǵy tarapynan birqatar avtomattandyrylǵan memlekettik qyzmetti iske qosý jumystary júrgizilip jatyr. Bul jumystyń da biz úshin mańyzy zor bolyp tur, – deıdi A.Qarabalaev.
Basqarma basshysynyń aıtýynsha, aldaǵy ýaqytta oblys ákimdigine qarasty barlyq 14 basqarmada 24 avtomattandyrylǵan qyzmet engizilip, tıisti derektermen tolyqtyrylady. Odan basqa da atqarylatyn jumystardyń aýqymy keń.
A.Qarabalaevtyń pikirinshe, óńirdegi geoaqparattyq júıeni tolyqqandy iske qosýdyń mańyzy aıryqsha. Ol úshin qajetti derektermen tolyqtyrý jumystary júıeli túrde júzege asyrylýy kerek. Júıe jumysy tolyq qamtylýy úshin múlde ýaqyt joǵaltýǵa bolmaıtyn kórinedi.
– 2023 jyly oblystyń óńirlik geoaqparattyq júıesin tolyq kólemde ári maqsatqa saı iske qosý jáne qajetti derektermen tolyqtyrý úshin eki ózekti máseleni retke keltirýge basymdyq beretin bolamyz. Naqtyraq aıtar bolsam, óńirdegi 359 eldi mekenniń bas jospary sıfrlandyrylyp, geoaqparattyq júıege engiziledi. Jalpy, bas jospar jobasyn sıfrlandyrý arqyly qyzyl syzyqtaǵy, fýnksıonaldyq jáne qorǵaý aımaqtary, árbir jer ýchaskeleriniń nysanaly maqsaty, kóshe joly jelisi, bos jer ýchaskeleri jáne ózge máseleler rettelip, qala qurylysy derekteri engiziledi.
Budan bólek, aýdan ortalyqtaryna 1:500 masshtabtaǵy aerofototúsirilim jumystaryn júrgizýge den qoımaqpyz. Ondaǵy maqsat – bos jer telimderin anyqtaý barysynda tańdalǵan jer ýchaskesiniń qoldanystaǵy jer teliminiń shekarasyna kirmeı dál konfıgýrasııada bolýyn qamtamasyz etý, bas jospar men egjeı-tegjeıli josparlaý jobalaryn dál masshtabpen baılanystyrý. Nátıjesinde, geoportal aqparattyq júıesine oblys boıynsha eldi mekender shegindegi bos jer ýchaskelerin jarııalaýǵa múmkindik týady, – deıdi A.Qarabalaev.
Jambyl oblysy
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
