Pavlodardan Astanaǵa aparatyn avtobanda 25 jastaǵy qylshyldaǵan jigit qaıǵyly jaǵdaıda kóz jumdy. Tas jolda bolǵan alǵashqy jol apatynan aman shyqqan azamatty qapylysta ekinshi kólik soǵyp, til tartpaı ketti.
Jantúrshigerlik oqıǵa ótken demalys kúnderi Pavlodar – Qalqaman arasyndaǵy tas jolda bolǵan. Áleýmettik jelilerde tarap júrgen beınejazbadan kórgenimizdeı, tórt jolaqty avtobanda aýdarylyp jatqan aq tústi «VAZ» jeńil kóligi men aldyńǵy bóligi japyrylǵan «Toyota» markaly kólik joldyń dál ortasynda tur. О́zge kólikter toqtap, adamdar úımelesip, jedel járdem kóligi zardap shekkenderge kómek kórsetip jatyr. Apat bolǵan jerden kólikterdiń baıaý ótip jatqanyn kórýge bolady. Kenetten qara tústi jol talǵamaıtyn kólik zýlaǵan boıda jol shetinde turǵan 3 adamdy kelip qaǵady. Qatty soqqydan ekeýi jol ortasyndaǵy temir qorshaýdyń arǵy betine ushyp ketkenin baıqaýǵa bolady. Taǵy birin kólik ekpinimen ushyryp áketti. Sol úsh adamnyń biri – aýdarylyp qalǵan «VAZ-2110» jeńil kóliginiń júrgizýshisi qatty soqqydan sol jerde kóz jumǵany málim boldy.
Polısııanyń dereginshe, negizgi apatqa «VAZ» markaly kólik quraly sebep bolǵan kórinedi. Tehnıkalyq aqaýdan kútpegen jerden jol ortasynda kilt toqtap, artynda kele jatqan «Toyota Camry» kóligi kelip soǵylǵan. Oqıǵaǵa kýá bolǵandardyń aıtýynsha, «VAZ» kóliginiń júrgizýshisi jolaýshy tasymalymen aınalysqan, tehnıkanyń búıirinde «Iаndeks taksı» jazýy bar. Alǵashqy apattan tiri qalǵan ol salondaǵy jolaýshylardyń syrtqa shyǵýyna kómektesken. Odan soń jol boıyna júgirip shyǵyp, ózge kólikterdi toqtatyp, soǵylyp qalmaýyna alańdap júrgende «Mercedes-Benz GL 450» zýlaǵan boıda kelip qaǵady.
– 25 jastaǵy jigittiń oqıǵa ornynda qaza bolǵany anyqtaldy. Taǵy tórt adam apattan zardap shekken, onyń biri kámelet jasyna jetpegen. Jolaýshylardyń alǵan jaraqattary ártúrli, – deıdi oblystyq polısııa departamentiniń baspasóz qyzmeti.
О́ńirlik densaýlyq saqtaý basqarmasynan habarlaǵandaı, apat ornyna úsh jedel járdem brıgadasy men apattar medısınasy ortalyǵynyń bir brıgadasy barǵan. Zardap shekkender Ekibastuzdaǵy aýrýhanaǵa jetkizilip, dárigerlik kómek kórsetildi. 1979 jylǵy azamat asa aýyr halde bolǵan soń ókpeni tynys aldyratyn apparatqa qosylǵan. 2004 jáne 1994 jylǵy týǵan eki azamat jaraqat bólimderine jatqyzylsa, 2005 jylǵy bozbalaǵa mıy shaıqalǵan degen dıagnoz qoıyldy. Taǵy eki adam aýrýhanaǵa barýdan bas tartqan.
Jol apatyna qatysqan kólikterdiń barlyǵy aıyp turaǵyna qoıyldy. Apat boıynsha tekserý sharalary júrgizilip, saraptama taǵaıyndaldy.
Pavlodar oblysy
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
