Biliktilikti shyńdaǵan oqý-jattyǵý

Jattyǵýǵa elimizdiń túkpir-túk­pirinen kelgen polısııa bas­­qarmalary men bólimderi bas­­tyq­tarynyń saıası ister jónin­degi jáne kadr saıasaty jónindegi orynbasarlary qatysyp, bir apta boıy bilikti­ligin arttyrdy. Barlyǵy 114 oryn­basar biliktiligi art­ty­ryl­ǵany jóninde sertıfıkattar aldy.

Oqý-jattyǵý sabaqtary Ishki ister mınıstri, polısııa general-polkovnıgi Marat Ahmet­janovtyń baqylaýynda boldy. Ulttyq ulan akademııa­synda olarǵa kásibı deńgeıin arttyrý boıynsha oqytý kýrs­­tary uıymdastyryldy. Basshy quramnyń ofıserleri jas kez­derinde ótkergen áskerı ómir­ge bir sát oralyp, kazarmada turyp, sarbazdyq ómirdiń qatań tártibin, saptyq daıyndyǵyn jáne ashanasyn esterine túsirdi. Akademııanyń májilis zalynda olarǵa IIM oqý oryndarynyń úzdik oqytýshylary dárister oqydy.

Bastyq laýazymyndaǵy tul­ǵa jeke quramǵa qoıylatyn bar­lyq talapty ózine de qoıa bilýi qajet. Sondyqtan oqý-jattyǵý jıyndarynyń basynan bastap kýrs tyńdaýshylary kúızeliske tózimdilik, kóshbasshylyq qa­sıet­teriniń deńgeıin tekserý úshin psıhologııalyq testileýden ótti. Sabaqtarda kadr salasyn sıfrlandyrý, IIM oqý oryndarynda kadr daıarlaýdaǵy jańa­shyldyqtar, jeke quram­men júrgiziletin tárbıe jumys­ta­rynyń pedagogıkalyq ne­giz­deri, qyzmette polısııa qyz­metkerlerine kezdesetin psı­ho­lo­gııalyq problemalardy sheshý joldary jáne basqa da ózekti taqyryptar qaras­ty­ryl­dy. Kadr qyzmetkerlerine kóptegen mindet júktelgen. Polısııanyń barlyq qyzmetiniń tıimdiligi, otansúıgishtik deńgeıi men qyzmetkerlerdiń kásibı turǵyda ósýi, ujymdaǵy moraldyq-psıhologııalyq ahýal kóbine bilikti kadrlyq sheshimderge baı­lanysty.

Oqý-jattyǵýǵa qatysýshy ofı­serlerge úlken mádenı baǵ­darlama da ázirlenip, aka­demııanyń shyǵarmashylyq ujymy uıymdastyrǵan taqy­ryp­tyq kesh, SQO Polısııa departamentiniń mýzeıine jáne Abylaı hannyń mýzeı-keshenine ekskýrsııalar uıymdastyrylyp, «Qazbat» áskerı-patrıottyq kórkem fılmi kórsetildi. Osy is-sharalar sabaqtarmen qatar ótkizildi. О́ıtkeni bular da pat­rıottyq jáne saıası tárbıe ju­mys­tarynyń negizi.

«Ishki ister organdarynda kadrlyq jáne tárbıe jumy­­­syn uıymdastyrýdyń biryń­ǵaı tásilderin ázir­leý­ge ar­nal­ǵan jıyndar­­ azamat­tar­­­dyń qu­qyq­tary men zańdy múd­de­le­riniń qorǵalý deń­ge­ıin arttyrý, polısııanyń servıs­tik modelin engizý, son­daı-aq halyqtyń po­lı­sııaǵa degen seni­min, kadrlardy daıar­laý sapasyn arttyrý týraly tapsyrmasyn oryndaý sheńbe­rinde ótkizildi», deıdi IIM kadr saıasaty departamenti basty­ǵynyń orynbasary, polısııa polkovnıgi Baqytjan Beıseev.

Akademııa plasynda sertı­fı­kattardy saltanatty ta­bys­­­taýdan keıin oqý orny bas­ty­­ǵynyń mindetin ýaqyt­sha at­qarýshy, polkovnık Ilııas Saǵyn­dyqov sóz aldy. «Kýrs­­tyń maqsattarynyń biri – oqy­tý­dan bólek, úı-jaıda birge turyp, top bolyp ju­mys is­teý­diń tájirıbesin úıretý. Osy arqyly polısııa qyz­met­­kerlerine bólinisterdiń ju­­my­­­synyń kúrdeliligi men tıim­­­diligin kórsetkimiz keldi. Bel­gi­li bir jaǵdaılarda barlyq tapsyrmany oryndaı alýy úshin bólimshege praktıkalyq daǵ­dy­lardy úı­re­tý­ge basymdyq be­ril­di», dedi ol.

PETROPAVL