Gazben tolyq qamtylǵan aýdan

Aýdandaǵy 30 eldi meken­niń 13-i ázirge aýyzsýmen qamtyl­maǵan. Alaıda búginde óńir basshysy Nurjan Nurjigitovtiń tapsyrmasy aıasynda jergilikti halyqty taza sýmen qamtamasyz etý maqsatynda aýqymdy jumys­tar qolǵa alynǵan.

«Eldi mekenderdi aýyzsý­men qamtý boıynsha 2021-2025 jyl­d­arǵa arnalǵan jos­par­­ǵa sáıkes búginge deıin aýdan aýmaǵyndaǵy 13 eldi meken aýyz­­­­­sýmen qamtylmaǵan. Or­ta­­­lyq­tandyrylǵan aýyzsýmen qam­tylmaǵan 8 eldi mekenge (Aq­qııa, Sarybaraq, Aqtóbe, Bota­moı­naq, Qosaq, Jeńis, Jibek joly, Tegistik) aýyzsý júıe­sin júrgizýge jobalyq-smeta­lyq qujattama ázirlenip, sarap­tamanyń oń qorytyndysy alyn­dy. Máseleni jedel sheshken abzal. Sondyqtan qurylys jumys­taryn júrgizýge qarjy qaras­tyrý maqsatynda oblys ákim­diginiń energetıka jáne tur­ǵyn úı-kommýnaldyq sharýa­shylyq basqarmasyna barlyǵy 2 644 950 teńgeni quraıtyn bıýdjettik ótinim joldandy. Respýblıkalyq jáne oblystyq bıýdjetterden tıisti qarajattar bólinip, memlekettik satyp alý konkýrsy jarııalanyp, merdi­gerler anyqtaldy. Qazirgi tańda joǵaryda atalǵan 8 eldi mekende qurylys jumystary júrgizilýde», deıdi Baızaq aýdany ákiminiń orynbasary Talǵat Jamalov jaǵdaıdy túsindirip.

Onyń aıtýynsha, aýdan aýmaǵyndaǵy Tórtkúl, Qaınar jáne Jańasaz aýyldary halyq sany az aýyldardyń sanatyna jatady. Máselen, Qaınar aýylynda 128 adam qonystansa, Tórtkúlde 290, Jańasazda 278 adam turady.

«Halyq sany az aýyldarda aýyzsýdy tazartýdyń keshendi blok-modýlderin ornatý jospar­la­nyp otyr. Al Tóregeldi aýylyn Jibek joly aýylymen birge aýyzsýmen qamtý baǵytynda jo­ba­lyq-smetalyq qujattama ázir­lenip, sarap­tamanyń oń qorytyndysy alyn­dy. Jambyl oblysyn­daǵy aýyl­dyq eldi mekenderdi aýyzsý­men qamtý boıynsha 2022-2025 jyl­darǵa arnalǵan jol kartasy­na sáıkes, Shahan aýylyn Sary­baraq aýyly arqyly ortalyqtan­dyryl­ǵan aýyzsýmen qamtý josparlanyp otyr», deıdi aýdan ókili.

Baızaqta aýdandyq mańyzy bar joldyń jalpy uzyndyǵy 132,07 shaqyrymdy quraıdy. Jergilikti jurtshylyq negizinen Sarykemer – Myrzataı, Jibek Joly – Jaqash – Kókózek jáne Shahan aýylyna kireberistegi jol­dyń jaǵdaıy jaqsarǵanyn qalaı­tynyn aıtyp, jıi qaıyrylady.

Aýdandaǵy eldi meken kóshe­leriniń jalpy uzyndyǵy 421,1 shaqyrymdy qurasa, onyń 175,6 shaqyrymy jaqsy, 115,2 shaqyrymy qanaǵattanarlyq jáne 130,5 shaqyrymy qanaǵat­tanarlyqsyz jaǵdaıda. Aldaǵy ýaqytta aýdandyq mańyzy bar joldyń 96 paıyzyn jáne eldi meken kósheleriniń 92,3 paıyzyn jaqsartý baǵytynda jumystar qolǵa alynbaq.

«Aýyl – el besigi» baǵdarla­masy boıynsha respýblıkalyq bıýdjetten 959 mln 278 myń teńge jáne aýdandyq bıýdjetten 111 mln 853 myń teńge qarastyrylyp, jalpy 56 shaqyrymdy quraıtyn 53 kóshege orta jóndeý jumys­tary júrgizilýde. Sondaı-aq 2023 jyly 17 aýdandyq mańy­zy bar avtojoldarǵa, jalpy 2385 m² jolǵa aǵymdaǵy jón­deý jumystaryn júrgizý qolǵa alynbaq. Sonymen qatar aýdandyq mańyzy bar joldarǵa 33 jol belgisin ornatý josparlanǵan.

Bir qýantarlyǵy buǵan deıin aýdandaǵy 43 eldi mekenniń 42-si kógildir otynmen qamtylǵanyn biletinbiz. Jýyrda ǵana aýdan turǵyndary tolyqtaı gazben qamtyldy degen habardy estidik.

«2021 jyldyń qorytyndy esebinde eldi meken turǵyndaryn kógildir otynmen qamtamasyz etý boıynsha 99 paıyz kórsetkishke qol jetkizilgen edi. Tórtkól aýyly kóshelerine gaz júıesin júrgizý jumystaryna oblystyq bıýd­jetten 57538,0 myń teńge qara­jat qarastyrylyp, ótken jyl­dyń jeltoqsan aıynda atalǵan jumystar tolyqtaı aıaqtaldy. 2022 jyldyń qorytyndy esebin­de eldi meken turǵyndaryn kógildir otynmen qamtamasyz etý boıynsha 100 paıyz kórsetkishke qol jetkizildi», deıdi T. Jamalov.

Derekterge sensek, aýdan aýmaǵyndaǵy eldi meken kóshe­lerin jaryqtandyrý baǵy­tyn­da da aıtarlyqtaı jumystar atqa­rylyp jatyr. Eń bastysy jergilikti halyq tolyqtaı tabıǵı gazben qamtylyp otyr. Qalǵan máseleler aldaǵy ýaqytta retimen sheshimin tappaq.

Jambyl oblysy,

Baızaq aýdany