Máskeýde ótip jatqan «Shahmat juldyzdary» atty halyqaralyq týrnırde blısten eki dúrkin álem chempıony Bıbisara Asaýbaeva rapıdte básekeniń basty favorıti Sergeı Karıakındi jeńdi, dep habarlaıdy Egemen.kz
Reseılik Sergeı Karıakın – álemdegi eń myqty grossmeısterdiń biri. Qazirgi ýaqytta onyń 2 739 upaıy bar.
Týrnır kommentatorlarynyń aıtýynsha, Bıbisaranyń blısten álem chempıony atanǵany beker emes. Ol Sergeıdi óziniń salqynqandy oıynymen jeńgen.
Eki myqtynyń oıyny mazmuny jaǵynan da, tıimdiligi jaǵynan da týrdyń sánin keltirdi. Bıbisara buǵan deıin suhbattarynda osy týrnırde Sergeı Karıakın men Teımýr Radjabovpen oınaǵysy keletinin birneshe ret aıtqan edi.
О́z kezeginde reseılik grossmeıster mundaǵy jalǵyz jeńilisinen uıalmaıtynyn málimdedi.
«Men óte jaqsy oınaıtyn álem chempıonynan utyldym», dedi Karıakın.
Jarystyń júlde qory – 15 mıllıon rýbl. Qazir munda álemdegi eń myqty shahmatshylar sheberlik baıqasyp jatyr. Olardyń qatarynda Bıbisara Asaýbaeva, Sergeı Karıakın, Aleksandr Grıshýk, Teımýr Radjabov, Raýnaký Sadvanı, Fransısko Valeho, Vladıslav Artemev, Ekaterına Lagno jáne basqalary bar.
Gúlshahra SANSYZBAI
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
