Kúı rýhy asqaqtaǵan kesh

Bıyl elordalyq Qazaq ult as­pap­tary orkestriniń qurylǵanyna 25 jyl tolady. Ár kezeńde ónerli ujymdy tanymal kúıshi, kompozı­tor, dırıjer Muhametqalı Tin­a­lın, Qazaqstannyń eńbek sińirgen qaıratkeri Myrzaǵalı Aıdabolov sekildi azamattar basqardy. 2008 jyldan beri orkestrge kúıshi, kompozıtor, dırıjer, Qazaqstannyń eńbek sińirgen qaıratkeri Aıtqalı Jaıymov jetekshilik jasaıdy. Atalǵan ujymda júzge jýyq mýzykant eńbek etedi. Sonymen qatar orkestr repertýary halyqtyq, kásibı jáne akademııalyq mýzykany qamtıdy. Degenmen konserttik baǵdarlamalardyń biraz bóligin dombyra kúıleri quraıdy.       

Ásem sazǵa toly keshtiń ashy­lýynda «Káýsar» mádenı-tanym­dyq birlestiginiń jetekshisi, ánshi, Abaı atyndaǵy Memlekettik syılyq­tyń laýreaty Kenjeǵalı Myrjyq­baı sóz alyp, aldymen astanalyq Qazaq orkestriniń tarıhy men onyń negizin qalaǵan qaıratkerlerdiń óner jolyna toqtalyp, jastarǵa taǵylymdy oı salar áńgime órbitti.

Konsert Qurmanǵazy, Dáýlet­kereı, Táttimbet jáne Daırabaı sekildi ataqty kúıshilerdiń bire­geı shyǵarmalarymen bas­ta­­lyp, odan keıin Nurǵısa Tilen­dıev­tiń «Mahambeti», Sydyq Muha­medjanovtyń «Shattyq Otany», Kenjebek Kúmisbekovtiń «Aıaýly mekeni» jáne Ábdimomyn Jeldi­baevtyń «Erke sylqymy» sekildi týyndylary oryndalyp, kúı rýhyn asqaqtatty. Sondaı-aq kúıshi, Qazaqstannyń eńbek sińirgen qaı­ratkeri Anar Muzdahanova Ahmet Baıtursynulynyń 150 jyldyǵyna arnaǵan «Ustazǵa taǵzym» atty kúıi men qobyzshy Janar Júsipova «Aqqý qazdar» atty mýzykalyq týyn­dysyn tartý etti. Dástúrli ánshi Danııar Muqan Estaıdyń «Maıdaqońyry» men Manarbek Erjanovtyń «Saıra, bulbulyn» shyrqady.

Dombyra úni kúmbirlegen kesh kórermenderge erekshe una­dy. Má­selen, Eltańba avtory Jan­dar­bek Málibekov alǵan áse­ri­men bólise kelip: «Maǵan osy ýnı­versıtettiń qabyrǵasynda Ispa­nııanyń óner sheberi, gıta­rıst Haver Arse Iebranyń shyǵar­ma­shylyq keshi men qazaqqa alyp Abaıdy, shyńyraý Shákárimdi, mańǵaz Muhtardy bergen Semeı óńiriniń Shyńǵystaýdaǵy «Qalam­qas» halyq án-bı ansambliniń konserti erekshe unap edi. Endi sol qatarǵa «Qazaǵymnyń kúıleri-aı!» atty búgingi keshti qosyp otyr­myn. Shynymdy aıtsam, hal­qy­myzdyń shynaıy bolmysyn beı­ne­legen rýhy bıik kúılerdi tyń­dap, uly dalaǵa saıahattaǵandaı áser aldym. Osy mádenı is-sharany uıym­das­tyrýshylarǵa alǵysymdy aıtamyn», dedi ol.

Konsert sońynda sóz alǵan L.N.Gýmılev atyndaǵy Eýrazııa ult­tyq ýnıversıtetiniń rektory Erlan Sydyqov demalystan ja­qynda oralǵan stýdentterge bul keshtiń syılaǵan rýhanı qunary mol bolǵanyn aıtty. «Jalpy, Ken­jeǵalı Myrjyqbaıdyń je­tek­shiligimen «Káýsar» máde­nı-tanymdyq birlestigi ýnıver­sıte­timizde tárbıelik máni zor kóptegen kezdesý ótkizdi. Máselen, elorda fılarmonııasyna esimi berilgen kórnekti kompozıtor Erkeǵalı Rah­madıevpen ómiriniń sońǵy jyldarynda osy zalda kezdesip, ardaq­ty aǵamyzdyń parasatty áńgimesin tyńdap edik» dep, elordalyq fı­lar­monııanyń Qazaq ult aspaptary orkestriniń dırıjeri Nurlan Bekenovke «Lev Gýmılev» medalin tabys etti.