Bir jylda 100 kitap oqyǵan

Mysaly, jýyrda Túrkistan oblystyq «Farab» ámbebap ǵylymı kitaphanasynda oblystyq máde­nıet basqarmasynyń uıymdastyrýymen «Kitap Travel-­2023» aksııasy bastaldy. О́ńirlik kitaphanalardyń q­yz­met kórsetý baǵytynda ozyq ıdeıalardy anyqtaý maq­satyndaǵy aksııa shymyldyǵyn Túrkistan qala­lyq orta­lyqtandyrylǵan kitaphana júıesi ashty. «Shejireli ólkeden – rýhanı temirqazyqqa» atty sharada «Kórkem minez kórkem ádebıetten» taqyryby­men óńirlik kitaphanalardyń ınstallıasııalyq kitap kórmesi ótkizildi. Jyl sońyna deıin josparlanǵan aksııa eki bólimnen turady. «Tarıhtan jetken amanat» taqyrybynda aýdandyq kitaphanalar elektrondy sıfrly sırek qordy ulǵaıtý boıynsha «Farab» kitaphanasyna qor jınaqtaıdy. Sıfrly formattaǵy jáne túpnusqa qoljazbalar túrindegi sırek qoryn kóbeıtýge qoldaý kórsetý úshin belgilengen kestege saı oblystyq «Farab» ámbebap ǵylymı kitaphanasynda bas qosady. Aksııanyń bastalýyna oraı ótken jıynda oblys ákiminiń orynbasary Beısenbaı Tájibaev atalǵan is-shara arqyly kitaphana qoryn 20 myńǵa jetkizý jos­parlanyp otyrǵanyn jetkizdi. Aýyl kitaphanalaryna kóńil bólinbek. «О́ńirge tanymal qalamgerlerdi arnaıy shaqyryp, úılerindegi tom-tom kitaptardy kitaphana qoryna syıǵa tartý máselesin qarastyrǵan jón. Saq­taýly turǵan kitaptardyń ıgiligin halyqqa arnaýymyz kerek», degen B.Tájibaev kitaphana qoryna 100 kitap syıǵa tartty. Al ǵalym, dintanýshy Dosaı Kenje­taıuly jaqynda ǵana jaryq kórgen «Iаsaýı anto­lo­gııasy» atty 9 tomdyq kitaby men óz kitaphana qoryn­daǵy 80 kitapty syılady. Aksııa jyl kóleminde jal­ǵasady, ıaǵnı kitap janashyrlarynyń atalǵan aksııaǵa qatysýlaryna tolyq múmkindik bar. Maqsat etilgen 20 myń kitapty jınap, 17 aýdan, qalaǵa óz deńgeıinde kópshiliktiń oqýy úshin bólip berý josparlanyp otyr.

Kitapty nasıhattaý, oqyrmandy kóbeıtý maq­satynda oblystyq «Farab» kitaphanasy ótken jyly «Ádebı fınal» semınaryn ótkizgen bolatyn. Jyl boıy ótkizilgen is-shara jýyrda qorytyndylan­dy. Aýdandyq, óńirlik kitaphana basshylary men qyz­metkerleri qatysqan is-shara barysynda kitaphana úzdikteri men «Altyn formýlıar» ıegeri, oqyrmandar arasynan úzdikter anyqtalyp, túrli atalym boıynsha marapat tapsyryldy. Atap aıtsaq, «Ádebı fınal» semınarynyń qorytyndysy boıynsha bir jyl ishinde 100 kitap oqyp, kóptiń ishinen oza shyqqan О́tegen Ysqaquly qarııa «Altyn formýlıar» ıegeri atandy. Sonymen qatar «Úzdik oqyrman otbasy» atalymyna – 2-synyp oqýshysy Beknur Nurjanuly, «Kitaphana­nyń turaqty úzdik oqyrmany» atalymyna – Sherhan Samatuly, «Erekshe múmkindikke ıe oqyrman» atalymyna Qymbat Sovethanqyzy laıyqty dep tanyldy. Jeńimpazdarǵa statýetka jáne qarjylaı syılyq tabys etildi.

Kitap oqýǵa qyzyǵýshylyǵy mektep qabyrǵasynan qalyptasyp, sodan beri kitaphanaǵa jıi baratyn taǵy bir oqyrman jaıly aıta ketelik. Keles aýdanynda­ǵy «Kórkem» balabaqshasynyń kúzetshisi Qydyrbaı Asylbekov táýligine eki kitap oqyp, dúnıetany­myn keńeıtip otyrady. Kóbine tarıhı kitaptardy oqýǵa qyzyǵady eken. «Kitap oqýǵa bala kezimnen qyzyǵa­myn. Kitap oqysam, mıym tynyǵyp, sergip qalamyn. Táýligine 2 kitap, kóńil kúıim jaqsy kezde 5 kitapqa deıin oqyp bitiremin. Aýyldaǵy shaǵyn kitaphanadaǵy kitaptardy túgeldeı oqyp taýystym. Endi ortalyq kitaphanadaǵy kitaptardy oqýdamyn», deıdi jasy alpysty alqymdaǵan el aǵasy. Aıta keteıik, jalpy Keles aýdanynda 27 kitaphana bar. Ondaǵy qor – 262 714 kitap.

Túrkistan oblysy