Ekibastuzdyń jaǵdaıy ońalar emes

«Ekibastuzjylýenergo» JShS bas dırektorynyń min­de­tin atqa­rý­shy Dmıtrıı Zaharov jylý jelilerindegi tóten­she jaǵdaıdan keıin stansada qazan­dyq agregattarynyń turaq­ty jumysyn qamtamasyz etý jáne parametrlerdi turaq­tan­dyrý úshin jabdyqtardy jóndeý, al­dyn alý sharalary kún sa­ıyn júr­gizilip jatqanyn aıtady. Osy­­­­ǵan baılanysty jylý kóz­de­rinen bosatylǵan jylý tasy­mal­da­ǵysh­tar josparlanǵan mól­sher­den tómen bolyp otyr.

– Stansada barlyq qajetti resýrstar, tehnıkalyq jab­dyq­­­tar, jóndeý brıgadalary bar. Alaıda qazirgi jaǵdaı ázirshe tur­ǵyn úılerdegi temperatýralyq para­metrlerdi qurylys normalary men erejelerine sáı­kes teńes­ti­rýge múmkindik ber­meı otyr. Qalany jylýmen qamtýdyń temperatýralyq kestesiniń saq­talmaýyna, tempe­ra­týralyq para­metr­lerdi qalpy­na keltirý boıynsha retteý ju­mys­­taryn júrgizýge baılanys­ty stansa basshylyǵy bıylǵy qańtar aıy úshin jylý energııasy boıynsha tólemdi qaıta esepteıtin bolyp uıǵardy. 2023 jylǵy qańtardaǵy jylý energııasymen qamtý jónindegi qyzmetterdiń qunyn qaıta esepteý algorıtmi 10 aqpanǵa deıin, tutynýshylar tólemin esepteý júrgizilgennen keıin usynylady, – deıdi ká­siporyn basshysy.

Jergilikti halyq áleýmettik jelilerde páterleriniń sýyq eke­­­nine áli kúnge shaǵymdanyp jatyr. Qala turǵyndarynyń kóbi úıinde jaýrap, qosymsha jy­lyt­qysh quraldar izdep jatyr. Amaly qalmaǵan keıbir azamattar páterleriniń qabyrǵasy men terezelerine jylytqysh mate­rıaldar japsyryp, bólme­degi temperatýrany kóterýge áre­­kettenýde. Alaıda qanjylym ba­ta­­­reıalar qystyń sýyǵyn syrt­qa aıdap shyǵýǵa qaýqarsyz.

Jurttyń shaǵymyna oblys basshylyǵy turaqty túrde nazar aýdaryp otyrǵanyn aıtyp óteıik. Oblys ákimi Asaıyn Baıhanov Ekibastuzǵa apta sa­ıyn baryp, ondaǵy jóndeý-qal­py­na keltirý jumystarynyń bary­syn baqylaýda. Sońǵy ret ákim №7 orta mektebinde bolyp, jylý jelilerin jóndeý ju­mys­tarynyń barysyn tekserdi jáne jedel shtabtyń otyrysyn ótkizdi. Apat aımaǵynda qalǵan mektep qazir jylynyp, bólmeler temperatýrasy 18-23 gradýsqa kóterildi. Birneshe kóshede qubyrlardy jańartý aıaqtalǵan.

A.Baıhanov jóndeý jumys­ta­rynyń qarqynyn báseńdet­peýdi jáne áleýmettik nysandarǵa erekshe nazar aýdarýdy tapsyrdy. Qańtar aıynyń sońyna deıin qala turǵyndarynyń qaýip­siz­di­gin qamtamasyz ete otyryp, jóndelgen ýchaskelerdiń 80 pa­ıyzyn ystyq sýmen qaıta toltyrýdy mindettedi. Bul talaptar oryndalmasa, kommýnaldyq qyzmet mekemeleriniń jaýapty tulǵalaryna qatysty ákim­shilik sharalar qabyl­da­na­ty­nyn eskertti.

Oblys ákimi baspasóz qyzme­tiniń málimetinshe, búgingi tańda Ekibastuzdaǵy jylýmen jab­dyq­taý jelilerindegi 130-dan asa zaqym joıylǵan. О́zge aqaý­lar­dy joıý sharalary táýlik boıy jalǵasyp jatyr. Kenshiler qala­sy­nyń kommýnaldyq qyzmet­terinen bólek apat oryndarynda oblys ortalyǵynan kelgen avarııalyq brıgadalar bar.

Pavlodar oblysy,

Ekibastuz qalasy