Nesibeni arttyratyn nesıe

2019 jyldan bastap óńirde qolǵa alynǵan qanatqaqty jobanyń jemisti bolǵanyn Úkimet oń baǵalap, endi bul tájirıbeni Qazaqstannyń ár qıyrynda iske asyrýǵa basymdyq berip otyr. Tıisinshe, sharýalar jumystaryn «Aýyl amanaty» jobasynda júzege asyrmaq. Bul, árıne, qýanyshty jańalyq.

Bıyl sharýalardy jeńildetilgen nesıemen qamtý jumystary Jambyl oblysynda bel­sendi júrgizilmek. Sharýalardyń tıisti deń­­geıde qarajatpen qamtylýyna «Taraz» áleý­­mettik-kásipkerlik korporasııasy aıryqsha nazar aýdaryp otyr. Jumysyn júrgizýge nıet­ti azamattardy nesıemen qamtý úshin 52,4 mlrd qarjy qarastyrylǵan.

«2022 jyldyń jeltoqsanynan bastap respýblıkalyq bıýdjetten «Aýyl halqynyń tabysyn arttyrý» jónindegi jobany masshtabtaý úshin mıkrokredıtter berý» baǵdarlamasy sheńberinde 6 047 516 000 teńge bólingen. Máselen, Jambyl oblysynyń 10 aýdanyna qarasty 10 aýyldyq okrýgten jeńildetilgen nesıeden úmittiler irikteldi. Olar – Jalǵyztóbe, Qara­kemer, Jetitóbe, Kenen, Aqermen, Bı­nazar, Birlikústem, Abaı, Jaıylma, Oıyq aýyl­darynyń turǵyndary. Búginde azamat­tar­dyń ótinishteri qarastyrylyp jatyr. Qazirgi ýa­qytta 200-den asa adam qaryz alý týraly shartqa qol qoıdy», deıdi «Taraz» ÁKK» AQ basqarma tóraǵasy Dáýlet Ábilqaıyrov.

Jalpy, aýyl halqynyń turmystyq ále­ýetin arttyrý maqsatynda iske asyp jatqan joba aıasynda atqarylyp jatqan jumystarǵa «Taraz» ÁKK» úlken úles qosyp keledi. Naq­tyraq aıtar bolsaq, «Taraz» áleýmettik-kásipkerlik korporasııasy» 2021-2022 jyldary 3 aýdandaǵy 253 ótinimdi 1,096 mlrd teńgege qaıta qarjylandyrdy. Bul qaıtarylǵan aqsha esebinen múmkin boldy.

Korporasııanyń tıimdi sharttaryn utymdy paıdalaný arqyly jylqy ósirý úshin Baızaq aýdanyna qarasty Jalǵyztóbe aýyldyq okrý­giniń turǵyny Qaırat Asanbaev ta tıisti qarajatty rásimdep, mal sharýashylyǵyn órken­detýge nıet bildirip otyr. «Qazirgi tańda tıisti nesıeni rásimdep jatyrmyn. Men tórt túliktiń tóresi sanalatyn jylqy malyn ósirý úshin 7,5 mln teńge alýǵa nıettimin. Paıyzdyq mólsherleme tómen. Jeńildetilgen nesıeleý sharttary tıimdi dep sanaımyn. Sondyqtan táýekelge bel býyp otyrmyn», deıdi ol oıymen bólisip.

Korporasııa basshylarynyń aıtýynsha, turǵyndarǵa aýyl sharýashylyǵy baǵytyndaǵy jeńildetilgen nesıe berý jumystary 2023 jyldyń naýryz aıyna deıin jalǵasyn tabady. Sharýaǵa beıim turǵyndar mejeli merzimge deıin nesıesin rásimdep, jumysyn bastap ketýi kerek.

D.Ábilqaıyrovtyń aıtýynsha, joba aıasynda nesıe alýshylarǵa qoıylatyn talaptar qıyndyq týdyrmaıdy. Bıznes jospar jeke bıznesin ashýǵa nıetti áleýetti qaryz alýshydan ǵana talap etilse, mal sharýashylyǵyn damyt­qysy keletin qaryz alýshy úshin bıznes jospar ázirleýdiń qajeti joq.

«Jeńildetilgen nesıeni alýǵa nıet bildirý­shilerdiń qarasy qalyń ekeni ras. Áıtken­men biz birinshi kezekte jumysy joq azamattarǵa ba­­symdyq beremiz», deıdi D.Ábilqaıyrov jaǵ­daıdy túsindirip.

Úsh jyldyń bederinde aıtarlyqtaı nátıje bergen jobanyń Jambylda odan ári qa­raı jalǵasatyny turǵyndardy qýantyp otyr. Aýyldaǵy aǵaıyn osylaısha mal sharýa­shy­ly­ǵyn órkendetip, tirliktiń ózin, kásiptiń kózin tabýǵa nıetti. Qysqasy, turǵyn­dar­dyń ta­bysyn arttyrýǵa baǵyttalǵan joba­nyń sharapatyn kórgen aýyl halqynyń qýa­nyshynda shek joq.

Jambyl oblysy