Kezekti beles

Árıne, bul tabanasty týa sal­ǵan sheshim emes. О́tken jylǵy qyr­kúıektegi Joldaýynda Prezıdent alda turǵan saılaý naýqandary týraly aıtqan bolatyn. Soǵan sáı­kes ótken jyldyń qarasha aıyn­da kezekten tys prezıdent saı­laýy ótti. Mine, kúni keshe Senat depýtattarynyń bir bóligi saı­landy. Endi, alda Májilis pen más­lıhat saılaýy kútip tur.

Prezıdenttiń Parlament Pala­­talary tóraǵalarymen jáne Pre­mer-mınıstrmen Parla­ment Má­jilisin taratý jáne máslı­hat­tardyń ókilettigin merziminen bu­ryn toqtatý jónindegi keńeste Má­jilis jańa úlgi boıyn-
sha jasaqtalatyny aıtyldy.

Bul saılaýdyń bir ereksheligi Má­jilis depýtattarynyń 70 paıy­zy partııalyq tizim arqyly, al qal­ǵan 30 paıyzy bir mandatty okrýg­terden saılanady.

О́kildi bılikke eń aldymen eldiń búgini men erteńin jáne Otany­­myzdyń múddesin oılaıtyn tyń kózqarastaǵy azamattardyń kelýine múmkindik týyp otyr. Olaı bolsa, halyqtyń saıası ózgeris­terge degen nıetine qoldaý kórse­tip, azamattyq qoǵamnyń odan ári damýyna meılinshe jaǵdaı jasaý­dy tilge tıek etip júrgen Mem­leket basshysyna halyqtyń qazirgi yqylasy tipti bólek.

Respýblıkamyzdyń árbir sana­ly azamaty, sonyń ishinde depý­tat­tyqqa úmitkerler Qazaq­stan­nyń qarqyndy damýyn, qoǵamda ońdy ózgeristerdiń kórinis ta­býyn oılaýǵa tıis. Rasynda da, al­daǵy saılaý naýqany eli­mizde bolyp jatqan jan-jaqty jańa­rý úderisterimen qatar saıası turǵy­daǵy mádenıetimizdi aıshyq­tap alatyn kezekti beles ekenin jete sezinýimiz kerek. Munyń bári, aına­lyp kelgende, bir ǵana mańyz­dy min­detke kelip tireledi. Ol – Ádi­letti Qazaqstan qurý!

Bir el, bir halyqtyń jarqyn bolashaqqa bet burǵan qorytyndy kezeńi bizdiń saıası belsendiligimizge baılanysty.

Erlan SYDYQOV,

L.N.Gýmılev atyndaǵy
Eýrazııa ulttyq ýnıversıtetiniń rektory