О́zbekstanda «Sergek» júıesi iske qosyldy

Bul eldegi halyq sany boıynsha Tashkentten keıingi ekinshi qala. 

«Sergek» qoǵamdyq jáne jol qaýipsizdiginiń zııatkerlik júıesi qazaqstandyq ázirleýshilerdiń, software jáne hardware mamandaryn biriktiretin, Sergek Group kompanııalar tobynyń ónimi.

Joba jeke ınvestısııalar esebinen, eksporttyń memlekettik baǵdarlamasyn sýbsıdııalaýmen, atap aıtqanda, «KazakhExport» eksporttyq saqtandyrý kompanııasy» AQ kredıt berýi arqyly iske asyryldy, qoldaý quraly - eksporttyq kredıtterdi saqtandyrý.

Namangandaǵy «Sergek» jumysy jol-kólik oqıǵalaryn azaıtýǵa jáne kólik júrgizý mádenıetin arttyrýǵa baǵyttalǵan. Zııatkerlik júıe О́zbekstan zańnamasy boıynsha sertıfıkattaýdan ótti. 25 apparattyq-baǵdarlamalyq keshen qalanyń 13 ýchaskesinde jáne oblys aýdandarynda jol qozǵalysy erejeleriniń buzýshylyǵyn tirkeıdi.  Qazaqstan qalalaryndaǵydaı Namanganda da júıe jyldamdyq rejıminiń asyp ketýin, baǵdarshamnyń tyıym salý sıgnalyna ótýin, jol tańbalaý jelileriniń buzýshylyǵyn tirkeıdi.

Bıznes-joba QR Saýda jáne ıntegrasııa mınıstrligi men QR Sıfrlyq damý jáne aeroǵarysh ónerkásibi mınıstrliginiń qoldaýymen bastaldy.

Qazirgi ýaqytta «Sergek» qoǵamdyq jáne jol qaýipsizdigi júıesi Qazaqstannyń 8 qalasynda jumys isteıdi: Astana, О́skemen, Almaty, Atyraý, Shymkent, Semeı, Taraz jáne Túrkistan. Sonymen qatar Sergek Group ónimderdi eksportqa ilgeriletý úshin eksporttyq strategııany ázirlep jatyr. Jaqyn aradaǵy maqsat - Ortalyq jáne Ońtústik-Shyǵys Azııa, sondaı-aq Taıaý Shyǵys pen Afrıka aımaǵynyń naryqtary.

«Sergek» júıesin ornatý júrgizýshi tártibiniń joǵarylaýyna jáne ólimge ákep soǵatyn JKO-nyń tıisti tómendeýine áser etedi. Júıeniń alǵashqy jumys isteı bastaǵan jylynda Astanada jol-kólik oqıǵalarynda qaza tapqandar sany 43%-ǵa - 60-tan 34 apatqa ushyraýshyǵa deıin qysqardy jáne keıingi jyldary da sol deńgeıde saqtalyp keledi. Almatyda (2019-2022) - 161-den 96-ǵa deıin. Shymkentte (2020-2022) - 76-dan 57-ge deıin. Júıeniń kómegimen qylmystyq quqyq buzýshylyqtardy da ashýǵa bolady.