Usynystar talqylanyp, usynymdar qabyldandy

Parlament Májilisindegi «Nur Otan» partııasynyń fraksııasy janyndaǵy Ekonomıkalyq saıasat jónindegi keńes «Qazaqstan Respýblıkasyndaǵy arnaıy ekonomıkalyq aımaqtar qyzmetiniń tıimdiligi men olardyń jumysyn jaqsartý joldary týraly» degen taqyrypta Májilis Tóraǵasynyń orynbasary «Nur Otan» partııasy fraksııasynyń basshysy Darıǵa Nazarbaevanyń qatysýymen otyrys ótkizdi. Otyrysty Májilis depýtaty, «Nur Otan» partııasynyń fraksııasy janyndaǵy Ekonomıkalyq saıasat jónindegi keńes tóraǵasy Meıram Pishembaev júrgizdi. Keńeste Indýstrııa jáne jańa tehnologııalar vıse-mınıstri E. Saǵadıev baıandama jasady. «Búgingi kúni, Qazaqstanda 10 arnaıy ekonomıkalyq aımaq bar. Qazirgi ýaqytta 6 AEA-niń ınfraqurylymy jalpy daıyn, 4 AEA-niń ınfraqurylym jumysy bastalyp jatyr. Ony retke keltirý úshin qarjy bólingen. Búginge deıin AEA-lerde 85 joba iske asyrylyp, 72 joba aıaqtalýǵa jaqyn. 6000-daı adam jumysqa ornalasty. 300 mlrd. teńgeniń ónimi shyǵarylǵan. Ár AEA-niń óz ereksheligi bar. Osyǵan qaraı, zańdarǵa qajetti ózgerister engizilýi qajet. Osy másele boıynsha mınıstrlikte jumys istelip jatyr. Qazirgi tańda arnaıy ekonomıkalyq aımaqtardy damytý úshin memlekettik bıýdjetten bólingen qarajattyń 1 teńgesine (75,5 mlrd.teńge – ınfraqurylym) jeke ınvestısııalardyń 3 teńgesi quraıdy (228 mlrd.teńge). Budan basqa, bólingen bıýdjettik qarajattyń 60 paıyzy salyq retinde qaıtarylǵan», – dedi óz sózinde vıse-mınıstr. Otyrysta «Astana – jańa qala» AEA basshysy M.Maselov, «Karaganda Invest» basshysy A.Ysqaqovtyń baıandamalary tyńdaldy. Sondaı-aq, Qazaqstannyń Ulttyq kásipkerleri palatasy tóraǵasynyń orynbasary R.Oshaqbaev pen Arnaıy ekonomıkalyq aımaqtar kásipkerleri qaýymdastyǵynyń tóraǵasy E.Sháımerdenova jaryssózge shyqty. Basqosýda arnaıy ekonomıkalyq aımaqtardy damytý máseleleri qaralyp, AEA qyzmetiniń nátıjeliligin arttyratyn jumysty qaıta eksheý men jańa jumys tásilderin anyqtaý boıynsha usynystar talqylandy. Talqylaý qorytyndylary boıynsha usynymdar qabyldandy, dep habarlady Májilistiń baspasóz qyzmeti.