Ashyqtyq, tıimdilik, eseptilik, jaýaptylyq

Keshe «Nur Otan» partııasynyń Orta­lyq apparatynda Partııalyq baqylaý ko­mıtetiniń otyrysy ótti. Onda partııanyń qoǵamdyq qabyldaý bólmelerinen memle­kettik organdarǵa joldanatyn azamattardyń ótinishterin qaraý máseleleri talqylandy. Otyrysqa «Nur Otan» partııasy Tóraǵasynyń birinshi orynbasary Baýyrjan Baıbek qatysty. Jıynǵa tóraǵalyq etken «Nur Otan» partııasy Partııalyq baqylaý komıtetiniń tóraǵasy, Parlament Májilisiniń depýta­ty Qýanysh Sultanov talqy­la­natyn másele óziniń ózekti­ligimen erekshelenetinine toq­tal­dy. Komıtet tóraǵasynyń atap ótýinshe, azamattardyń ótinish­terin qaraý zaman talabyna jaýap berýi tıis. Bul máselede barlyq memlekettik organdar men qo­ǵamdyq ınstıtýttardyń jaýap­kershiligi erekshe ról atqa­rady. Memleket basshysy óz Jol­daýynda elimizdi álemdegi asa damyǵan 30 eldiń qataryna qosý mindetin qoıyp otyr. Sondyqtan partııa osy baǵytta básekelestikke qabilettiliktiń úlgisin kórsetýi qajet. «Partııanyń jumysyn jan­dan­dyrý maqsatynda ótken jyly «elektrondy partııa» jobasy júzege asyryla bastady, – dedi Qýanysh Sultanov. – Bul aza­mattardyń ótinishterin qaraýdyń ashyqtyǵy men tıimdiligin art­tyrýǵa múmkindik beredi». Partııalyq baqylaý komı­tetiniń tóraǵasy, sondaı-aq, osy jyldyń sáýirinde ótken otyrysta kóterilgen máselelerdiń nátıjelerinen de habardar etti. Ol partııalyq jarnany óz ýaqytynda tóleýdi uıymdastyrýǵa qatysty. Osyǵan baılanysty Partııalyq baqylaý komıteti óńirlik baqylaý komıssııalarymen atalǵan másele boıynsha otyrystar ótkizgen. Sonyń nátıjesinde ótken bes aıda partııalyq jarna tóleý 100 paıyzǵa qamtamasyz etildi. Partııalyq tártip nyǵaıdy. Bul komıtettiń eń basty máselesiniń biri bolyp tabylady. Kún tártibindegi másele boı­­yn­sha «Nur Otan» partııasy Tór­a­ǵasynyń birinshi orynbasary Baýyrjan Baıbek sóz sóıledi. «Nur Otan» bılik partııa­sy bol­ǵandyqtan, biz taza jáne ashyq jumys isteýimiz kerek, – dedi Baýyrjan Baıbek. – Halyqtyń jáne partııalastardyń aldynda eseptilik bolýy qajet. Halyq pen partııa arasynda tikeleı baılanys ornatylýy tıis. Búginde partııa 12 jobany iske asyrýdy qolǵa alyp otyr. Sonyń biri – «Kedergisiz keleshek» jobasy. Atalǵan joba múmkindigi shekteýli jandardyń áleý­mettik jaǵdaıyn kóterýge baǵyt­talǵan». Memleket basshysy par­tııanyń HV sezinde sóılegen sózinde HHI ǵasyrdaǵy kóshbasshy par­tııa – jalpyhalyqtyq baqy­laý­dyń bas­ty quraly dep atap kórsetken edi. «Sondyqtan «Nur Otan» memlekettik emes uıymdardyń basyn qosa otyryp, halyqtyń muń-muqtajyn bılikke jet­kizýleri kerek, – dedi partııa Tóra­ǵasynyń birinshi orynbasary. – Al onyń negizgi qura­ly – partııalyq baqylaýdy, par­tııalyq jaýapkershilikti kúsheı­tý. Sebebi, partııanyń Saıası doktrınasynda kórsetilgen azamattarǵa qyzmet etetin mem­leket ustanymyna sáıkes, buqara men bılik qarym-qaty­nasynyń múlde jańa sıpatta, tek áriptestik pen zańdy buljytpaı oryndaý negizinde qalyptastyrýdy talap etedi. Eger álemdegi eń damyǵan 30 eldiń qataryna enemiz desek, biz árqashan da halyqtyń senimine ıe bolýymyz qajet». Kópshiliktiń «Nur Otan» partııasyna degen senimi jyl ótken saıyn artyp keledi. Sóz barysynda sheshen buǵan naqty málimetter de keltirdi. Baýyrjan Baıbektiń atap ótkenindeı, partııa tórt negizgi qaǵıdat boıynsha jumys isteýde. Ol – ashyqtyq, tıimdilik, halyq aldynda esep­tilik jáne jaýaptylyq. «Nur Otan» – azamattyq qoǵam sýbek­tisi. Búginde partııanyń 241 qoǵamdyq qabyldaý orny tıimdi jumys isteıdi. О́tken jyldyń ózinde ǵana partııanyń osy qabyldaý bólmelerine 800 myń adam ótinishpen kelipti. О́ti­nishterdiń 130 myńy memlekettik organdardyń qarastyrýyna joldanǵan. Al 40 paıyzdan astamy jergilikti jerlerde sheshimin taýypty. «Bıylǵy jyldyń bes aıynda, – dedi ol osy jóninde, – azamat­tardan 200 myń ótinish tústi. Búgingi kúni onyń 75 paıyzy sheshildi, qalǵany qadaǵalaýǵa alyndy». Qoǵamdyq qabyldaý ból­me­leriniń jańasha jumys isteýi óz nátıjesin kórsetip otyr. Birin­shiden, ol ár óńirdiń, ár aýdannyń áleýmettik-ekonomıkalyq jaǵ­daıy týraly naqty statıstıka qalyptastyrýǵa, ekinshiden, par­tııanyń Saılaýaldy tuǵyr­namasyn júzege asyrý monı­torıngin júrgizýge jáne memlekettik, salalyq baǵdarla­malardyń tıimdi oryndalýyn baǵalaýǵa múmkindik beredi. Otyrysta, sondaı-aq, «Nur Otan» partııasynyń hatshysy Qumar Aqsaqalovtyń baıan­damasy, Densaýlyq saqtaý mınıstrliginiń jaýap­ty hatshysy Serikbol Mýsı­nov­tyń, Bilim jáne ǵylym mınıs­tr­liginiń jaýapty hatshysy Álııa Ǵalımovanyń, Almaty obly­synyń ákimi Ańsar Musa­hanovtyń, Ońtústik Qazaqstan oblysynyń ákimi Asqar Myr­zahmetovtiń esepteri tyńdaldy. Atalǵan másele boıynsha Partııalyq baqylaý komıtetiniń músheleri Maıra Aısına, Sergeı Gromov, Irına Aronova, Ánýar Ilııasova, Saýytbek Abdrahmanov pikir bildirdi. Otyrystyń qory­tyn­dysynda azamattardyń óti­nishterimen jumys isteýdiń tıimdiligin arttyrý jóninde usynymdar jasaldy. Álısultan QULANBAI, «Egemen Qazaqstan».