Aqparattar aǵyny

● Bıylǵy jyly arnaıy ekonomıkalyq aımaq­tarda 65 joba iske asyryldy. Olarda osy kezge deıin 300 mlrd. teńgeniń ónimi shyǵarylǵan. Keshe bul týraly aıtqan Indýstrııa jáne jańa tehnologııalar mınıstriniń orynbasary Erlan Saǵa­dıevtiń málimetinshe, taǵy 72 jo­ba aıaqtalýǵa jaqyn. Jal­py, elimiz boıynsha 10 arnaıy ekonomıkalyq aımaq bol­sa, qazir onyń 6-ýynyń ın­fra­qurylymy ázir, 4-ýiniń qu­ry­lysy endi bastalyp jatyr. ● Aqjaıyq óńirinde úde­­meli ındýstrııalyq-ınno­va­sııalyq baǵdarlama sheń­berinde 36 joba qanat qaq­ty.  Bul týraly Oralda ót­ken Ulttyq kásipkerler pala­ta­synyń keńeıtilgen keńe­s­inde aıtyldy. Onda palata tóra­ǵa­sy Tımýr Qulybaev qalbyrdaǵy et ónimderin syrtqa shyǵarýdy jolǵa qoıǵan kásiporynnyń jumysymen tanysty. ● Qaraǵandy oblysynyń dıqandary dızel otynnyń alýǵa arnalǵan qarjynyń 400 mln. teńgeden astamyn únemdedi. Bıylǵy jyly kendi óńirde jazǵy daqyldarǵa 770,6 myń gektar jer berildi, ol ótken jylǵydan 44,3 myń gektarǵa kóp. Astyqty daqyldar tanaptary 699,2 myń gektardy, sonyń ishinde bıdaı – 545,6 myń gektar, suly 140,2 myń gektardy   quraıdy. ● Ońtústik Qazaqstanda taǵy bir meshit el ıgiligine berildi. Oblystyń Qasqasý aýylynyń turǵyndary osyndaı ásem ǵıbadat úıine qol jetkizip, úlken qýanyshqa bólendi. Osy jerdiń týmasy Barash Tóleshovanyń qar­jylyq qoldaýymen turǵy­zylǵan quthana Qazaqstan musylmandary dinı basqar­masynyń qaramaǵyna berildi. ● Keshe Qyzylordada kame­ralyq orkestrdiń tu­saý­keseri ótti. Oblystyq fılarmonııa ja­nynan qurylǵan bul óner ujymy oblys ákimi Qyrymbek Kósherbaevtyń qoldaýymen qatarǵa qosyldy. Jańa ujymnyń tyrnaqaldy konsertin aımaq basshysy bastaǵan ónersúıer qaýym tamashalady. Orkestr álemdik jáne qazaq halqynyń týyndylaryn oryndady. ● Shyǵys Qazaqstanda eki jyldyń ishinde barlyq jerde sıfrly teledıdar paıda bolady. Bul týraly keshe oblystyń Qatonqaraǵaı aýdanyndaǵy «Nurbulaq» sanatorıinde ótken respýb­lıkalyq forýmda málim etildi. Al jańa jetistikke Baı­la­nys jáne aqparat agenttigi men oblys ákimdigi arasynda jasal­ǵan memorandým negizinde qol jetkiziletin bolady. ● Jambyl oblysy Shý aýdanynda kókónis klasterin damytý qolǵa alyndy. Osy­ǵan baılanysty Tasótkel magıstraldi ka­nalynyń oń jaǵalaýynda bos jatqan 9 myń gektar jer ıgeriledi. Al alǵashqy 3 myń gektarǵa bıyl kókónis egildi. «QazAqparat», 24KZ, Otyrar.kz, Altaynews.kz, Egemen.kz agenttikteri men Pavlodar oblysy ákimdigi saıttary derekteri boıynsha daıyndaldy.