Astananyń Indýstrıaldy parkinde 5 jańa kásiporyn iske qosylady

ASTANA. 17 maýsym. Bıyl Astananyń Indýstrıaldy parkinde 5 jańa kásiporyn iske qosylady, sonyń nátıjesinde 800 jumys orny ashylady dep kútilýde. Bul týraly astana.kz habarlady. 2014 jyly iske qosylatyn jańa kásiporyndar ishinde «Shına-logıstıkalyq kesheni jáne shınany qalpyna keltirý óndirisi» jobasynyń 1-shi kezeńi; kompıýterlik baǵdarlamamen qamtamasyz etilgen tigin qural-jabdyqtaryn qurastyrýǵa jáne toqyma ónimderin shyǵarýǵa arnalǵan joba – «KazTexExpo» avtomattandyrylǵan saýda-óndiristik kesheni bar. Budan bólek, metall qurylym men «sendvıch» – panel óndirisi boıynsha zaýyt, zamanaýı ónerkásiptik metall óńdeý jáne dánekerleý jabdyqtaryn paıdalaný arqyly metall qurylym óndirisi ashylady. Sonymen qatar, dızeldi qozǵaltqysh zaýyty iske qosylady. Atalǵan joba boıynsha Evolution (GEVO) úlgisindegi dızeldi qozǵaltqyshtar shyǵarylady. Sondaı-aq, qosalqy bólshekterdi daıyndaý men qozǵaltqyshtarǵa tehnıkalyq qyzmet kósetý jumystary qamtylady. Jalpy, Indýstrıaldy parkte júzege asyrylatyn jobalardy óndiristik iske qosý 2017 jyly aıaqtalady. Aıta keteıik, Indýstrıaldy park  Astananyń jańa ónerkásiptik aımaǵy. Parkte ónerkásiptik nysandardy tez salý men olardy odan ári paıdalanýǵa berý úshin qolaıly jaǵdaılar jasalǵan. Joldybaı Bazar. Derekkóz: astana.kz. Foto: astana.gov.kz.