Qazaqstan-Vetnam yntymaqtastyǵyn nyǵaıtýǵa eki jaq ta múddeli

ASTANA. 17 maýsym. Hanoıda elimizdiń Vetnam Sosıalıstik Respýblıkasyndaǵy tótenshe jáne ókiletti elshisi Beketjan Jumahanov pen Vetnam О́nerkásip jáne saýda mınıstri Vý Hıýı Hoang kezdesip, saýda-ekonomıkalyq jáne ınvestısııalyq salalardaǵy ekijaqty ózara is-qımyldar barysyn talqylady. Bul týraly «QazAqparat» habarlady. Kezdesý barysynda Vý Hıýı Hoang munaı-gaz salasyndaǵy yntymaqtastyqty, sondaı-aq Keden odaǵymen erkin saýda aımaǵyn qurý máselesindegi ózara baılanystardyń mańyzdylyǵyn atap ótti. Sonymen qatar, ol mıneraldyq resýrstardy óndirý men óńdeý isterin, VINAKOMIN korporasııasy jáne qazaqstandyq áriptester arasyndaǵy qarym-qatynasty ilgeriletý qajet degen pikirin jetkizdi. Al Beketjan Jumahanov búginde 230 mln. dollarǵa jetip otyrǵan eki el arasyndaǵy saýda aınalymyn odan ary arttyrýdyń múmkindikterin aıta otyryp, Úkimettiń eldegi ınvestısııalyq ahýaldy jaqsartý boıynsha qabyldap jatqan sharalary jóninde áńgimelep berdi. Joldybaı Bazar. Derekkóz: «QazAqparat». Foto: ortcom.kz.